Category: RSE

Maneho ny fandraisany andraikitra eo amin’ny fiaraha-monina ny orinasa iray rehefa miseho amin’ny alalan’ny asa mivaingana ho an’ireo olona tena mila fanohanana izany. Ho fanamarihana ny Iray volan’ny ankizy sy ny fankalazana ny Asaramanitra, dia nanolotra fanohanana ho an’ny Centre Nouveau Relais des Jeunes (NRJ) Andavamamba ho an’ireo ankizy sahirana manodidina ny 300 mipetraka ao.

Ity hetsika ity dia manamafy indray ny fanirianay hametraka ny soatoavina maha olombelona ho ivon’ny asa rehetra ataonay, ary hanohananay isan’andro ireo fiarahamonina.

Fanohanana mivaingana ho an’ireo ankizy marefo indrindra

Nandritr’ity hetsika ity, dia natolotra kojakoja ilaina andavanandro, bodofotsy ary akanjo mafana ho an’ireo ankizy ao amin’ny NRJ izahay. Tafiditra anatin’izany ireo ankizy mipetraka ao amin’ny ivo-toerana sy ireo tanora raisina ao amin’ny trano fandraisana vonjimaika.

Niasa ho an’ireo ankizy miaina an-dalambe na ao anatin’ny fahasahiranana lalina, nandritry ny taona maro, ny Centre NRJ. Ireo ivon-toerana ao Andavamamba sy Mandroseza, dia manome fanohanana sy fanabeazana ho an’ireo ankizy, izay matetika iharan’ny fanilikilihana, tsy fandriampahalemana ary fahasahiranana ara-pianakaviana.

Ankoatra ny fanampiana ara-materialy, dia mitondra hafatra tsotra nefa manan-danja ity hetsika ity : ny ankizy tsirairay dia mendrika ho hita, ho arovana, ho henoina ary ho tohanana amin’ny lalam-piainana diaviny.

Andraikitra RSE an’ny orinasa

Ny politika RSE na ny fandraisana andraikitra eo amin’ny fiaraha-monina dia tsy mijanona eo amin’ny rafitra ara-pitantanana fotsiny ihany. Miseho amin’ny alalan’ny asa mivaingana izany, izay natao hanatsarana maharitra ny fiainan’ireo olona marefo indrindra.

Nanomboka ny taona 2006, miasa isan’andro izahay mba hanamorana ny fisitrahan’ny rehetra ireo tolotra ara-bola sy hampihenana ny fahantrana eto Madagasikara. Saingy tsy mijanona amin’ny asanay fototra izany fanoloran-tena izany. Heverinay fa andraikitray ihany koa ny mandray anjara amin’ny fampandrosoana ara-tsosialy sy mamaly, araka izay azo atao, ireo filàna fototry.

Ny vinanay dia mifototra amin’ny hoe : tsy misy fampandrosoana maharitra raha tsy misy firaisankina, fihainoana ary fanohanana ireo olona marefo.

Ny fampiatiana ho soatoavina fototra

Matetika ny “fampiatiana” dia heverina ho fanamorana ny fisitrahana tolotra ara-bola ihany. Saingy manomboka amin’ny fanajana ny hasin’ny olona tsirairay sy ny finiavana tsy hanilika olona izany.

Ny fanohananay ny Centre NRJ, dia manamafy ny fandraisanay andraikitra eo amin’ny fiaraha-monina, izay ahafahan’ny tsirairay mahita ny toerany, na inona na inona fahasahiranany na tantarany. Mino izahay fa zava-dehibe ny fanohanana ireo vondrom-piaraha-monina marefo indrindra sy mandray anjara amin’ny fanatsarana ny fiainan’izy ireo.

Fandraisana andraikitra eo anivon’ny fiaraha-monina

Indraindray, fihetsika kely iray dia afaka manova zavatra mihoatra lavitra noho izay vita anatin’ny iray andro. Ny fanomezana dia mampahatsiahy antsika fa ny hetsika iray dia mitondra hafatra mafonja : ny fandraisana andraikitra eo amin’ny fiaraha-monina no iray amin’ireo singa manan-danja indrindra mitondra fiovana.

Santionany amin’ireo hetsika ataonay, fa manasa anao hijery ireo hetsika hafa nataonay teo aloha.

Ny fambolen-kazo dia hetsika tsotra. Saingy rehefa averina in’arivony izany, dia lasa hery lehibe ho an’ny fiarovana ny tontolo iainana sy ny fampihenana ny entona karbonina avoakantsika.

Ny fambolen-kazo dia asa mivaingana ho fiarovana ny tontolo voajanahary. Tsy izay ihany fa manatsara ny fahavokaran’ny tany ary mitondra fampandrosoana maharitra mifanaraka amin’ny zava-misy eny ifotony.

Ambatomalaza : miaro ny tany, manohana ny fiarahamonina

Tao Ambatomalaza, olona manodidina ny 500 — mpiasa, fianakaviana, mpikambana ao amin’ny Vondrona Tahiry Ifotony (Groupement d’Epargne Communautaire) ary mponina eny an-toerana — no niray hina hiaro ny tany fambolena sy ny tontolo voajanahary eo an-toerana.

Niara-niasa tamin’ny vondrom-piarahamonina Ismaili sy ny Organisation de Soutien pour le Développement Rural à Madagascar (OSDRM), zana-kazo 4 000 no novolena, ahitana frêne sy karazana hazo mifanaraka amin’ny toetr’andro sy ny tany ao an-toerana.

Satria miankina amin’ny fambolena ny fiainan’ny mponina ao an-toerana, dia mitana anjara toerana lehibe ny fanarenana ala :
• manatsara ny fahavokaran’ny tany
• mampihena ny fihotsahan’ny tany
• miaro ny voly

Natomboka tamin’ny taona 2021 ity fandaharanasa ity, ary efa nahafahana namboly hazo maherin’ny 20 000 tany amin’ny faritra dimy manerana an’i Madagasikara. Nahazoana vokatra tsara izany satria manodidina ny 90 % ny taha-pahaveloman’ny hazo, noho ny fanaraha-maso iarahana amin’ny fiarahamonina eny an-toerana.

Mitohy ny fiaraha-mientana any amin’ny faritra

Nitohy manerana ny nosy ny hetsika, tamin’ny fambolena hazo fihinam-boa, frêne, akasia ary mantaly, voafidy araka ny filàn’ny faritra tsirairay.

• Faritra Avaratra : Antsohihy, Befandriana ary Marovoay – hazo manodidina ny 1 000 no novolena
• Faritra Andrefana : Mahajanga, indrindra tao Marohogo – nambolena zana-kazo vaovao
• Faritra Atsimo : Antsirabe sy Fianarantsoa – nitohy ny asa fanarenana ala

Ireo hetsika ireo dia notanterahina niaraka tamin’ny ireo Vondrona Tahiry Ifotony, fikambanana any an-toerana, tompon’andraikitram-panjakana ary ny mponina.

Raha atambatra, hazo maherin’ny 8 000 no novolena nandritra ity hetsika ity. Izany dia maneho fahavononana mazava sy maharitra amin’ny fiarovana ny tontolo iainana.

Andao tohizana ny asa !

Ny fambolen-kazo dia tsy hetsika indray mandeha fotsiny. Fiaraha-mientana maharitra izy io, izay mitombo lanja isaky ny misy mandray anjara.

Ny fiarovana ny tontolo iainana dia paikady hiarovana sy hanatsarana ho an’ny hoavin’ny taranaka rahatrizay.

Andao hanohy ny ezaka efa natao !