Hanao findramam-bola Hanao Tahiry Ny kaontiko

Author: Avosanda Mahazofitiahenika

Tahiry amin’ny finday: zanabola 9% no atolotry ny PAMF sy Orange Money amin’ny alalan’ny Tahiry Be m-kajy

Posted on by Avosanda Mahazofitiahenika

Tahiry amin’ny finday : zanabola 9% no atolotry ny PAMF sy Orange Money amin’ny alalan’ny Tahiry Be m-kajy

Tsy mitsahatra ny mampiroboro ny tahiry nomerika na tahiry amin’ny finday eto Madagasikara ny PAMF sy Orange Money Madagascar. Notanterahina tao amin’ny Orange Digital Center Soarano ny valan-dresaka ho an’ny mpanao gazety, izay nanambarana tamin’ny fomba ofisialy ny tahan’ny zanabola vaovao 9 % amin’ny Tahiry Be m-kajy.

Afaka mampitombo tsikelikely ny volany amin’ny fomba tsotra sy azo antoka araka izany ny rehetra, amin’ny Tahiry Be m-kajy amin’ny alalan’ny finday.

Tahiry amin’ny finday natao ho an’ny rehetra

Ny tolotra Tahiry Be dia tolotra nomerika, amin’ny alalan’ny finday, novolavolain’ny PAMF sy Orange Money.

Ny tanjon’ny Tahiry Be dia ny ahafahan’ny tsirairay mitahiry vola amin’ny fomba tsotra sy tsy mila mivezivezy. Tsy voatery manatona masoivoho PAMF intsony ianao rehefa te hitahiry vola, fa azonao atao avy hatrany amin’ny alalan’ny finday ny dingana rehetra.

Tahan’ny zana-bola tsara indrindra 9% be izao no azonao amin’ny ny Tahiry Be m-kajy. Vahaolana tsotra sy mifanaraka amin’ny filan’ireo rehetra te hitahiry vola.

Fiaraha-miasa ho an’ny vina iray

Notanterahina ny zoma 10 jolay lasa teo tao amin’ny Orange Digital Center Soarano ny valan-dresaka ho an’ny mpanao gazety mikasika ny tolotra Tahiry Be m-kajy. Fotoana iray ihany koa nanamafasina ny fiaraha-miasan’ny PAMF sy Orange Money Madagascar izay nanomboka tamin’ny taona 2018, izay niforonan’ny tolotra m-kajy.

Tokana ny vinan’ny roa tonta amin’ny tolotra Tahiry Be m-kajy : manamora ny fisitrahan’ny rehetra tolotra ara-bola ary tahiry ilaina amin’ny fiainana andavanandro.

Nanamafy izany nandritry ny valan-dresaka ny Tale Jeneralin’ny Orange Money Madagascar, Ramatoa Marie-Victoire COMET :

« Tsy kisendrasendra izao fiaraha-miasa izao fa mifototra amin’ny vina iray iombonana. (…) manamora ny fahafahan’ny rehetra mitahiry vola sy mamporisika azy ireo hitahiry izany amin’ny fomba mahomby ary handray anjara amin’ny fampandrosoana ara-toekarena eto Madagasikara. »

Etsy ankilany, nanasongadina ny maha-zava-dehibe ny famolavolana vahaolana sy tolotra ara-bola mifanaraka amin’ny filàn’ireo mpanjifa, ny Tale Jeneralin’ny PAMF, Andriamatoa Guy RATSIMBAZAFY.

Vahaolana natao ho an’ny rehetra

Natao hamaly ny filàn’ny rehetra ny tolotra Tahiry Be m-kajy. Ity tolotra 100% nomerika ity dia azo ampiasaina 24 ora/24 ora, 7 andro/7 andro, na aiza na aiza eto Madagasikara.

Afaka manomboka mitahiry vola ho fanatanterahana ny tetikasany ny tanora. Ny ray aman-dreny kosa afaka manomana ny fandaniana ao an-tokantrano na ny saram-pianaran’ny zanany. Ireo mpivarotra, tantsaha ary mpandraharaha, afaka mitahiry volany amin’ny fomba azo antoka.

Vahaolana natao ho an’ny rehetra izy ity, na ho an’ireo monina an-tanàn-dehibe ka te hisoroka ny filaharana eny amin’ny masoivoho, na ho an’ireo any ambanivohitra izay mety ho sahirana amin’ny fivezivezena.

Ho an’ireo manana tanjona maro tiana hotanterahina, dia afaka manokatra kaonty Tahiry Be telo indray miaraka, ka misafidy fe-potoana hitehirizana ny vola na 1 volana, 3 volana na 6 volana. Izany no natao mba ahafahan’ny tsirairay mandamina ny tahiriny araka ny tetikasany sy ny tanjony.

Tahiry tsotra sy ahazoana tombony

Tsy mila antontan-taratasy, ary tsy misy sarany ny fampiasana ny tolotra Tahiry Be. Tsotra ny fampiasana azy manomboka amin’ny fisoratana anarana ka hatramin’ny fikirakirana.

Afaka manomboka mitahiry vola amin’ny alalan’ny finday manomboka amin’ny 10 000 Ariary monja ny rehetra, rehefa miditra amin’ny #144*4*1#, na mampiasa ny application mobile Max It.

Dingana vitsivitsy monja no arahana dia afaka mitahiry vola ny rehetra, na aiza na aiza toerana misy azy.

Tsy mitsahatra manavao ny tolotra ara-bola omeny ny PAMF mba hamaliana ny filànn’ny mpanjifa amin’ny fiainana andavanandro.

Mitahiriza vola dieny izao !

Mitady fomba tsotra hitahirizana sy hampitomboana ny volanao ve ianao ?

Mampiasa ny tolotra Tahiry Be m-kajy amin’ny alalan’ny finday ary mahazoa zana-bola hatramin’ny 9%.

Antsoy ny #144*4*1# na mampiasĂ  ny application mobile Max It !

Sehatry ny asa : antony lehibe 5 hisafidianana ny PAMF

Posted on by Avosanda Mahazofitiahenika

Sehatry ny asa : antony lehibe 5 hisafidianana ny PAMF

Te hiasa amin’ny orinasa sy hivoatra eo amin’ny sehatry ny asa ve ianao ? Te hitondra ny anjara birikinao ho an’ny fanovana isan’andro ?

Rehefa misafidy toeram-piasana ianao dia tsy misafidy asa fotsiny ihany, fa misafidy tontolo iray manana soatoavina, sy hahafahanao mivoatra bebe kokoa.

Ireto misy antony 5 tokony hisafidiananao ny PAMF.

1. Miasa ho an’ny fiovana

Miompana amin’ny fanatrarana tanjona lehibe ny asanao isanandro. Tsy inona izany fa ny fanamorana ny fisitrahana tolotra ara-bola ho an’ireo fianakaviana, mpandraharaha ary fiaraha-monina maro eto Madagasikara.

Na miasa ao amin’ny masoivoho ianao na ao amin’ny foibe, dia mandray anjara mivantana amin’ny fanatsarana ny fiainan’ny mpanjifa. Ato amin’ny PAMF, manan-danja ny andraikitra tsirairay ary ny fiaraha-miasan’ny rehetra no mitondra fahombiazana.

2. Mivoatra anatin’ny orinasa manana ny toerany

Niasa teto Madagasikara nandritry ny 20 taona mahery ny PAMF, ka anisan’ireo mpisehatra manana ny toerany eo amin’ny fanomezana tolotra ara-bola.

Midika izany fa afaka mivelatra anatin’ny tontolo mirindra ireo mpiara-miasa ao anatiny.

Rehefa miasa ato amin’ny PAMF ianao dia tafiditra anatin’ny ekipa iray miara-mandroso, mifampitsinjo ary manatratra tanjona iray. Manan-danja ho an’ny rehetra ny fifaneraserana sy ny fiaraha-miasa amin’ny andavanandro.

Satria ny fahombiazana lehibe indrindra dia avy amin’ny fiaraha-miasan’ny rehetra.

3. Miasa anatin’ny orinasa manome vahana ny fampananan’asa

Mandray anjara lehibe amin’ny fampananana asa ireo tanora ny PAMF mba hanamorana ny fidiran’ireo tanora amin’ny sehatry ny asa. Tafiditra anatin’izany indrindra ny fiaraha-miasa amin’ireo oniversite lehibe toy ny  Oniversiten’Antananarivo (Fakioliten’ny EGS, Fakioliten’ny siantsa) , ny IT University, ny Oniversite ASJA ary ny ESCM Business School, izay miompana amin’ny fampiofanana sy fizarana asa ho an’ireo mpianatra.

Tsy izay ihany fa manome fampiofanana ireo mpiasa ao aminy izy mba hampiroboroboana ny fahalalana sy ny fivoaran’izy ireo amin’ny sehatry ny asa.

Ny PAMF dia mamporisika ny tsirairay hampivelatra ny fahaiza-manaony sy ny fahalalana, handray andraikitra vaovao ary hanatsara hatrany ny fiainany arak’asa

4. Miara-mivoatra amin’ny orinasa

Miova arakaraky ny fivoarana misy ny filan’ny mpanjifa.

Manome tolotra ara-bola vaovao sy vahaolana nomerika hatrany ny PAMF, mba hanamorana ny fiainan’ireo mpanjifa. Izany kolontsaina izany dia mamporisika ny mpiara-miasa handray anjara amin’ireo tetikasa vaovaon’ny orinasa.

Ny hevitry ny tsirairay mantsy dia mitondra fanatsarana ho an’ny tolotra omenay sy mampivelatra ny sehatry ny tolotra ara-bola.

5. Manana fiainana arak’asa mamiratra

Rehefa mandeha ny fotoana, tsy ny toerana iasanao ihany no zava-dehibe, fa ny lalana nodiavinao sy ny traikefa azonao ihany koa.

Rehefa miasa ato amin’ny PAMF ianao dia miasa anatin’ny orinasa izay mametraka ny fandraisana andraikitra, ny maha-matihanina ary ny fifanajana ho fototry ny fifandraisana.

Midika izany hoe miasa ao anatin’ny tontolo iray ahafahan’ny tsirairay mandray anjara, mampivelatra ny fahaizany ary manampy amin’ny fanatrararana tanjona iray.

Satria ny fiainana arak’asa mamiratra dia izay mitondra vokatra azo tsapain-tanana ho an’ny hafa.

Sorito ny fiainanao arak’asa miaraka amin’ny PAMF !

Samy manana ny lalana diaviny ny tsirairay eo amin’ny sehatry ny asa. Mety hitondra anao ato amin’ny PAMF izany lalana izany !

Te hiasa amin’ny orinasa ahafahanao mivoatra ve ianao ? Tsidio ireo tolotr’asa rehetra ato aminay ary alefaso ny antotan-taratasinao.

Hijery ireo tolotr’asa

Fahaiza-mahandro nolovaina tamin’ireo fianakaviana nitondra fahombiazana ara-barotra : ny tantaran’i Agnes RABENORO

Posted on by Avosanda Mahazofitiahenika

Fahaiza-mahandro nolovaina tamin’ireo fianakaviana nitondra fahombiazana ara-barotra : ny tantaran’i Agnes RABENORO

Misy ireo tantara somary tsy hanenoam-peo ety am-piandohana.

Tantara miainga ao an-dakozia, miaraka amin’ny fomba fahandro tsotra, faniriana hivoatra ary herim-po lehibe.

Anisan’izany ny tantaran’i Agnes RABENORO.

Ankehitriny, izy no mpanorina sy Tale Jeneralin’ny Cake Anya, orinasa mpamokatra mofomamy vita tanana izay efa hita eny amin’ny toeram-pivarotana lehibe sy eny amin’ny tobin-tsolika. Saingy talohan’izany dia niasa mafy tao anatin’ny  faharetana sy fahavononana nandritry ny taona maro izy.

Niainga tamin’ny faniriana hivoatra

Tamin’ny taona 2001, tsy mbola niresaka momba ny fananganana orinasa i Agnes.

Ny tao an-tsainy voalohany dia ny fitadiavana asa fivelomana, mba hahafahany mivelatra amin’ny heriny manokana sy hananany fizaka-tena ara-bola.

Nitsiry tao an-tsainy ny hanamboatra sy hivarotra mofomamy vita amin’ny voasary. Fomba fahandro tsotra nolovainy avy amin’ny reny nitaiza azy, nefa fiandohan’ny fiovana lehibe teo amin’ny fiainany.

Nanomboka nivarotra izy. Tsy mbola nisy rafitra lehibe na fandaminana manokana. Ny faniriana hiasa sy hanangana zavatra ho azy no nanosika azy.

Io fanamboarana mofomamy io no niandohan’ny orinasa Cake Anya.

Nivoatra tsikelikely ny asa

Rehefa nandeha ny fotoana dia nihanivelatra ny asany.

Tamin’ny 2005 dia niroso tamin’ny dingana ara-dalàna mba hanomezana lanja ny asany izy. Ary tamin’ny 2017 dia voasoratra ara-panjakana tao amin’ny rejisitry ny varotra ny orinasa.

Tao anatin’izany taona maro izany dia niaina ny tena fiainan’ny mpandraharaha izy : ny famokarana tsikelikely, ny fanatsarana ny vokatra sy ny fomba fiasa, ny faharetana na dia somary miadana aza ny fandrosoan’ny asa.

Nitombo tsikelikely ny tinady. Nitombo ihany koa ny famokarana. Nanomboka niditra teo amin’ny sehatra matihanina ny Cake Anya ka nipaka tamin’ny mpanjifa maro.

Niova ny fomba fijery

Tamin’ny taona 2023, nandray anjara tamin’ny fampiofanana nokarakarain’ny PAMF ho an’ireo vehivavy mpikambana ao amin’ny « Association des Femmes Autoentrepreneurs de Madagascar (AFAM) Â» i Agnes. Tamin’izay fotoana izay no nahafantarany voalohany an’ny PAMF.

“Taorian’io fampiofanana io dia nanomboka nazava tamiko ny lalana hampandrosoana ny orinasako.”

Efa noresahina tamin’izany fotoana izany ny fampindramam-bola ho an’ny mpandraharaha sy orinasa, saingy nisafidy ny hiandry aloha izy. Nahatsapa mantsy izy fa mbola mila fotoana kely handinihana mba hampandrosoana ny orinasany amin’ny sehatra lehibe kokoa.

Ny fotoana nanova ny zava-drehetra

Tamin’ny taona 2024, nandray anjara tamin’ny fifaninanana « Ampela mandrahara » i Agnes.  Fifaninanana natao ho an’ireo vehivavy mpandraharaha izay miompana amin’ny famolavolana drafitra ara-barotra na « business plan Â», ka izy no nivoaka ho mpandresy tamin’izany.

Anisan’ny mpitsara tamin’izany fifaninana izany ny PAMF, izay efa tsy vaovao aminy intsony. Tamin’ity indray mitoraka ity dia tsapany fa efa vonona ny hiroso amin’ny dingana ambony kokoa izy.

Nitombo ny asany, saingy tsy ampy intsony ny enti-manana hanampiana fitaovana sy hampitomboana ny renivola ilaina amin’ny fampandrosoana ny orinasa. Nanapa-kevitra ary izy ny hangataka fampindramam-bola ho an’ny mpandraharaha sy orinasa ato amin’ny PAMF.

Nandray an-tanana sy nanampy azy tamin’ny dingana rehetra ny ekipan’ny PAMF, nanomboka tamin’ny fanomanana ny antontan-taratasy ka hatramin’ny fanaraha-maso ny fivoaran’ny orinasany. Izany fanohanana izany no nahafahany nampitombo ny famokarana sy nampandroso ny orinasany.

Ankehitriny dia efa anatin’ny sehatra mahitanina ny Cake Anya. Lasa orinasa fantatry ny mpanjifa, ary amidy eny amin’ny toeram-pivarotana lehibe sy eny amin’ny tobin-tsolika ireo vokatra atolony.

Fahombiazana mihoatra noho ny orinasa

Mitohy hatrany ny fivoaran’ny Cake Anya.

Saingy tsy miompana amin’ny tarehiramika na ny fitomboan’ny orinasa fotsiny ny tantaran’i Agnes.

Tantarana vehivavy iray nampivoatra tsikelikely ny tenany. Vehivavy iray nahavita nanova fomba fahandro tsotra ho lasa orinasa fantatry ny maro, ary ny finiavany no nitondra izany fahombiazana izany.

Tantara manasongadina ny asa fandraharahana tantanan’ny vehivavy izy ity, nefa tsy izay izany, fa maneho fivoarana eo amin’ny fiainana.

Te hahafantatra ireo tantara hafa mahaliana ve ianao ? Jereo ato ny lahatsoratra hafa.

Hijery ireo vaovao hafa

Pack Boost Affaires : pack tokana mampiroborobo ny orinasanao

Posted on by Avosanda Mahazofitiahenika

Miantomboka amin’ny fitiavana, fahasahiana ary fahavononana ny asa fandraharahana. Rehefa mandefa anefa ny fotoana dia mitombo sy mivelatra izany.

Mitombo ny fangatahana, maro kokoa ny tetikasa, ary miha-mitombo ihany koa ny filàna. Rehefa tonga eo amin’izay dingana izay, dia tsy ampy intsony ny miasa mafy, fa ilaina ny mitady ny vahaolana ho an’ny orinasa sy ny mpandraharaha mba hampivoatra hatrany ny asa.

Noho izany indrindra no namoronan’ny PAMF ny Pack Boost Affaires, vahaolana natao hanohanana ny PME, ny mpandraharaha, ny matihanina amin’ny sehatra tsy miankina, ny orinasa, ary ireo olontsotra manana tetikasa lehibe sy maniry hampiroborobo izany.

Pack feno mampandroso ny asanao

Ny Pack Boost Affaires dia tolotra manampy anao hampivoatra bebe kokoa ny asanao.

Izy io dia ahitana kaonty fampiasa amin’ny andavanandro ho fanamorana ny fitantanam-bola, ary koa fampindramam-bola ho an’ny PME manomboka amin’ny 20 000 000 Ariary, hanomezana famatsiana ara-bola sy hanafainganana ny fivelaran’ny asanao.

Afaka misitraka tolotra fitahirizam-bola amin’ny zana-bola tsara indrindra ihany koa ianao, mba hanomanana ny tetikasa ho avy sy hanamafisana ny fitantanam-bola.

Satria ny fivoarana maharitra dia mila fiarovana ihany koa. Tafiditra ao anatin’ny pack ny fiantohana Ma-ARO, manampy anao handroso am-pitoniana manoloana ireo tranga tsy ampoizina.

Izany tombontsoa rehetra izany no mahatonga ny Pack Boost Affaires ho vahaolana mifanaraka amin’ny filàn’ny orinasa mivelatra.

Mitsitsy fotoana mba hifantohana amin’ny asa

Manjary sarobidy ny fotoana rehefa mitombo ny asa.

Ny Pack Boost Affaires dia manamora ny andavanandronao amin’ny alalan’ny tolotra nomerikan’ny PAMF. Azonao atao ny mitantana ny volanao amin’ny findainao, amin’ny alalan’ny chatbot AI-na ao amin’ny Messenger sy WhatsApp na ny application mobile Net-Tsara.  

Afaka mampiasa ny tolotra Bank to Wallet ihany koa ianao raha te handefa vola avy amin’ny kaontinao PAMF mankany amin’ny kaonty Orange Money.

Tsy mila manatona masoivoho intsony ianao rehefa hanao petra-bola. Mitsitsy fotoana sarobidy izany, ary hahafahanao mijery manokana ny mpanjifanao, ny ekipanao, na miompana bebe kokoa ny fampandrosoana ny orinasanao.

Fitaovana manafaingana ny fivoaran’ny orinasa

Mila fitaovana mifanaraka amin’ny fotoana ilana azy ny fampivoarana ny orinasa.

Mba hanohanana anao amin’izany dia manolotra vahaolana hiarahana amin’ireo mpiara-miombon’antoka maro izahay.

Ho an’ny fitaterana na fanitarana ny asanao, afaka mahazo fiara sy fitaovam-pitaterana isan-karazanay ianao amin’ny alalan’ny tolotra iarahan’ny GMM, Madauto, CT Motors ary Dada Tama Motors, izay hanampy amin’ny fivezivezena sy ny fampandrosoana ny asanao.

Satria tsy maintsy mitohy ny asa na dia misy aza fahatapahan-jiro, dia manolotra vahaolana amin’ny angovo maitso ny Heri, Inergy Solutions, Jiro Ve ou Total Energies, izay ahafahanao miasa amin’ny fotoana rehetra sy mandray mpanjifa.

Tsy hadino ihany koa ny fitaovana nomerika: ny finday sy powerbank avy amin’ny Itel sy Infinix dia manampy ny ekipanao amin’ny fifandraisana isan’andro.

Farany, miaraka amin’ny Vitogaz, dia mahazo famatsiana entona azo antoka sy maharitra ianao, izay ilaina amin’ny asa maro amin’ny andavanandro. Ny famatsiana angovo tsy tapaka dia manampy anao hiasa tsy tapaka sy hamokatra hatrany.

Mpiara-miombon’antoka amin’ny fanatanterahana ny nofinao sy ny firoborobon’ny asanao

Ao ambadiky ny orinasa mivelatra rehetra dia misy safidy maty paika sy vahaolana mifanaraka amin’izany.

Ny Pack Boost Affaires dia manambatra anaty pack tokana ny findramam-bola, ny fitehirizam-bola, ny fiantohana, ireo vahaolana nomerika sy ireo tolotra iarahana amin’ireo mpiara-miombon’antoka ilaina amin’ny andavanandro.

Satria mendrika tohanana amin’ny vahaolana mifanaraka aminy ny tetikasa tsirairay. Ity pack ity dia manampy anao hanatanteraka ny vinanao.

Alefaso dieny izao ny fangatahanao raha te hisitraka ny tolotra !

Hisitraka ny Pack Boost Affaires

Fiaraha-mientana ho an’ireo ankizy ao amin’ny Centre NRJ

Posted on by Avosanda Mahazofitiahenika

Maneho ny fandraisany andraikitra eo amin’ny fiaraha-monina ny orinasa iray rehefa miseho amin’ny alalan’ny asa mivaingana ho an’ireo olona tena mila fanohanana izany. Ho fanamarihana ny Iray volan’ny ankizy sy ny fankalazana ny Asaramanitra, dia nanolotra fanohanana ho an’ny Centre Nouveau Relais des Jeunes (NRJ) Andavamamba ho an’ireo ankizy sahirana manodidina ny 300 mipetraka ao.

Ity hetsika ity dia manamafy indray ny fanirianay hametraka ny soatoavina maha olombelona ho ivon’ny asa rehetra ataonay, ary hanohananay isan’andro ireo fiarahamonina.

Fanohanana mivaingana ho an’ireo ankizy marefo indrindra

Nandritr’ity hetsika ity, dia natolotra kojakoja ilaina andavanandro, bodofotsy ary akanjo mafana ho an’ireo ankizy ao amin’ny NRJ izahay. Tafiditra anatin’izany ireo ankizy mipetraka ao amin’ny ivo-toerana sy ireo tanora raisina ao amin’ny trano fandraisana vonjimaika.

Niasa ho an’ireo ankizy miaina an-dalambe na ao anatin’ny fahasahiranana lalina, nandritry ny taona maro, ny Centre NRJ. Ireo ivon-toerana ao Andavamamba sy Mandroseza, dia manome fanohanana sy fanabeazana ho an’ireo ankizy, izay matetika iharan’ny fanilikilihana, tsy fandriampahalemana ary fahasahiranana ara-pianakaviana.

Ankoatra ny fanampiana ara-materialy, dia mitondra hafatra tsotra nefa manan-danja ity hetsika ity : ny ankizy tsirairay dia mendrika ho hita, ho arovana, ho henoina ary ho tohanana amin’ny lalam-piainana diaviny.

Andraikitra RSE an’ny orinasa

default

Ny politika RSE na ny fandraisana andraikitra eo amin’ny fiaraha-monina dia tsy mijanona eo amin’ny rafitra ara-pitantanana fotsiny ihany. Miseho amin’ny alalan’ny asa mivaingana izany, izay natao hanatsarana maharitra ny fiainan’ireo olona marefo indrindra.

Nanomboka ny taona 2006, miasa isan’andro izahay mba hanamorana ny fisitrahan’ny rehetra ireo tolotra ara-bola sy hampihenana ny fahantrana eto Madagasikara. Saingy tsy mijanona amin’ny asanay fototra izany fanoloran-tena izany. Heverinay fa andraikitray ihany koa ny mandray anjara amin’ny fampandrosoana ara-tsosialy sy mamaly, araka izay azo atao, ireo filàna fototry.

Ny vinanay dia mifototra amin’ny hoe : tsy misy fampandrosoana maharitra raha tsy misy firaisankina, fihainoana ary fanohanana ireo olona marefo.

Ny fampiatiana ho soatoavina fototra

Matetika ny “fampiatiana” dia heverina ho fanamorana ny fisitrahana tolotra ara-bola ihany. Saingy manomboka amin’ny fanajana ny hasin’ny olona tsirairay sy ny finiavana tsy hanilika olona izany.

Ny fanohananay ny Centre NRJ, dia manamafy ny fandraisanay andraikitra eo amin’ny fiaraha-monina, izay ahafahan’ny tsirairay mahita ny toerany, na inona na inona fahasahiranany na tantarany. Mino izahay fa zava-dehibe ny fanohanana ireo vondrom-piaraha-monina marefo indrindra sy mandray anjara amin’ny fanatsarana ny fiainan’izy ireo.

Fandraisana andraikitra eo anivon’ny fiaraha-monina

Indraindray, fihetsika kely iray dia afaka manova zavatra mihoatra lavitra noho izay vita anatin’ny iray andro. Ny fanomezana dia mampahatsiahy antsika fa ny hetsika iray dia mitondra hafatra mafonja : ny fandraisana andraikitra eo amin’ny fiaraha-monina no iray amin’ireo singa manan-danja indrindra mitondra fiovana.

Santionany amin’ireo hetsika ataonay, fa manasa anao hijery ireo hetsika hafa nataonay teo aloha.

Hijery ireo hetsika hafa

Pack Ny Ho Avy : omany anio ny hoavin’ny zanakao

Posted on by Avosanda Mahazofitiahenika

Misy fanapahan-kevitra tsy natao ho an’ny androany ihany fa ho hiankin’ny fiainana manontolo. Anisan’izany ireo fanapahan-kevitra raisina ho an’ny zanaka.
Satriamijery lavitra hatrany ny ray aman-dreny, ny Pack Ny Ho Avy an’ny PAMF dia natao hanampy ireo te hanomana hoavy milamina sy maharitra ho an’ny zanany.

Fihetsika kely iray dia afaka manorina ny hoavy

Matetika dia manomboka amin’ny hevitra tsotra izany : mitahiry vola tsikelikely hanomanana ny hoavy.

Amin’ny alalan’ny Pack Ny Ho Avy, afaka manokatra kaonty « Épargne Avenir Enfant » ho an’ny zanakao ianao. Natao manokana ho an’ny ankizy izy, amin’ny taha-jana-bola tsara indrindra 7,5 %.

Tsy tahiry fotsiny izany fa fomba iray hananganana fahazarana tsara sy fiarovana ara-bola. Ary koa manampy anao amin’ny fanomanana ny hoavin’ny zanakao.

Ho fanamorana ny fitantanam-bola andavanandro ihany koa, dia ahitana kaonty fikirakira isan’andro ny Pack Ny Ho Avy.

Satria tsy afaka miandry ny fanabeazana

Tsy tokony hitondra tebiteby ny fanomanana ny fidiran’ny mpianatra.

Ho fanampiana anao amin’izany, ny Pack Ny Ho Avy dia manolotra CrĂ©dit Éducation, tolotra findramam-bola hanampy anao amin’ny saram-pianarana, mba tsy hanelingelina ny fianaran’ny zanakao.

Afaka manomana mialoha ny zavatra tena manan-danja ho an’ny fahombiazan’izy ireo ianao.

Miaro izay tena sarobidy aminao

Ny hoe ray aman-dreny dia midika ihany koa ho fiarovana ny zanaka amin’ny fotoana rehetra.

Tafiditra ao anatin’ny Pack Ny Ho Avy ny fiantohana Ma ARO, izay  ahitana :
‱ fiantohana any an-tsekoly : miaro ny ankizy raha misy loza na tranfa tsy ampoizina any an-tsekoly na eny an-dalana
‱ andraikitra sivily amin’ny fiainana andavanandro, raha sendra misy fahavoazana tsy nahy natao tamin’ny olon-kafa

Satria manan-danja ny fiarovana, ny fiantohanadia mitondra tombony goavana raha misafidy ity Pack ity.

Mitantana ny kaontinao na aiza na aiza

Amin’izao fotoana izao, tokony ho tsotra sy haingana ny fitantanana ara-bola.

Amin’ny alalan’ireo tolotra nomerikan’ny PAMF, afaka mikirakira sy mandefa vola avy amin’ny kaontinao PAMF mankany amin’ny kaonty tahirin’ny zanakao ianao. Azonao atao amin’ny alalan’ny chatbot AI-na ao amin’ny Messenger sy WhatsApp na ny application mobile Net-Tsara izany.

Ary amin’ny alalan’ny Bank to Wallet, afaka mandefa vola mora foana avy ao amin’ny kaonty PAMF mankany amin’ny Orange Money ianao, amin’ny fotoana rehetra.

Manokatra varavarana maro ho an’ny fianakaviana

Ny Pack Ny Ho Avy dia mihoatra lavitra noho ny tolotra ara-bola. Satria ahafahanao misitraka ireo tolotra avy amin’ireo mpiara-miombon’antoka hanamorana ny fiainana andavanandro.

Raha mila fitaovam-pitaterana, dia afaka misitaka ireo tolotra isan-karazanay avy amin’ny GMM, Madauto, CT Motors na Dada Tama Motors ianao.

Ho an’ny fitaovana sy jiro mandeha amin’ny herin’ny masoandro kosa dia maro azo isafidianana ireo tolotra miaraka amin’ny Heri, Inergy Solutions, Jiro Ve ary Total Energies, izay ahafahan’ny ankizy mianatra na dia misy fahatapahan-jiro aza.

Manome toky anao ny fiaraha-miasa amin’ny Vitogaz raha te hampiasa entona fandrehitra ao an’ny tokantrano.

Ho an’ny teknolojia kosa dia afaka mandoa tsikelikely ireo finday sy powerbank avy amin’ny Itel sy Infinix ianao amin’ny Pack Ny Ho Avy.

Pack natao ho an’ireo manan-danja aminao

Mihoatra lavitra noho ny tolotra ara-bola ny Ny Pack Ny Ho Avy.

Fomba iray hanomanana ny hoavin’ny zanakao anio : hanohana ny fianarana, miaro azy amin’ny alalan’ny fiantohana, miantoka ny hoaviny ara-bola.

Satria ny ray aman-dreny tsirairay dia efa manorina ny hoavin’ny zanany amin’ny alalan’ny fihetsika tsotra isan’andro.

Manatona ny masoivoho PAMF akaiky anao hisitrahanao ny Pack Ny Ho Avy sy hanomanao hoavy mamiratra ho an’ny zanakao.

Hisitraka ny tolotra

Pack Misandratra : tolotra manampy anao hitantana ny volanao sy hanatanteraka ny tanjonao

Posted on by Avosanda Mahazofitiahenika

Te hitantana tsara ny volanao ve ianao ? Na te hanatanteraka ny tetikasanao, na koa te hampiasa tolotra ara-bola mora ampiasaina amin’ny andavanandro ?

Manana vahaolana mety aminao izahay na olontsotra ianao, na mpiasa amin’ny orinasa, na mpandraharaha na ihany koa tantsaha.

Ny “Pack Misandratra” dia tolotra feno ahitana tahiry, findramam-bola, fiarovana ary tolotra nomerika.

Tolotra natao ho an’ny andavanandronao

Ny fitantam-bola mahomby dia midika ho fahaizana mikajy ny fandaniana andavanandro sy ny tahiry ho an’ny hoavy.

Ny Pack Misandratra dia ahafahanao mikirakira ny volanao amin’ny andavanandro amin’ny alalan’ny « Compte Ă  vue Â», ary ihany koa manampy anao hampitombo ny tahirinao ho fanomanana ny tetikasanao.

Rehefa misafidy ny Pack Misandratra ianao dia afaka mitantana tsara ny volanao sy mampitombo izany tsikelikely hiantohana ny hoavinao.

Findramam-bola mifanaraka amin’ny tanjonao

Satria miavaka ny tetikasa tsirairay, ny Pack Misandratra dia manampy anao hanatanteraka izany amin’ny alalan’ny tolotra ara-bola mifanaraka amin’ny filanao.

Na mpandraharaha ianao, na mpiasa, na tantsaha, na mpivarotra na koa mpiasa matihanina, dia afaka misitraka tolotra findramam-bola mifanaraka amin’ny filanao. Na findramam-bola hanitarana asa izany na fanohanana tetikasa manokana, ny Pack Misandratra dia natao hanampy anao hivoatra.

Fiantohana manome fitoniana

Ny Pack Misandratra dia ahitana ihany koa ny fiantohana Ma-ARO. Ity tolotra ity dia manampy anao hiatrika ny tetikasanao am-pitoniana sady mahazo fiarovana fanampiny.

Tolotra nomerika PAMF azo ampiasaina na aiza na aiza

Mba hanamora ny fitantananao vola, miaraka amin’ny Pack Misandratra, afaka misitraka ireo tolotra nomerika PAMF ianao.

Afaka misafidy ianao na hampiasa ny chatbot AI-na amin’ny Messenger sy WhatsApp na ny koa ny « application mobile Â» Net-Tsara. Ireo fitaovana ireo dia ahafahanao mitantana ny kaontinao sy manao ny mandefa vola ao amin’ny kaontinao, na aiza na aiza misy anao.

Fisintonam-bola amin’ny Orange Money

Ny tolotra Bank to Wallet dia ahafahanao mandefa vola mora foana avy amin’ny kaontinao PAMF mankany amin’ny Orange Money. Tsy mila manatona masoivoho ianao, fa afaka mandray ny vola avy hatrany ao amin’ny kaontinao amin’ny finday.

Tolotra iarahana amin’ireo mpiara-miombon’antoka

Rehefa misafidy ny Pack Misandratra ianao dia afaka misitraka ireo tolotra isan-karazany iarahana amin’ny mpiara-miombon’antoka, izay azonao hisafidianana.

Ho an’ny fivezivezena, misy ireo tolotra iarahana amin’ny GMM, Madauto, CT Motors ary Dada Tama Motors. Tsy adino koa ireo finday mitondra ny marika Itel sy Infinix raha te hampiasa teknolojia avo lenta ianao.

Raha ho an’ny fampiasana angovo madio, dia misy ny ireo tolotra avy amin’ny Heri, Inergy Solutions, Jiro Ve ary Total Energies.

Ho an’ny entona fampiasa an-trano kosa dia afaka misitraka ny tolotra avy amin’ny Vitogaz ianao.

Vahaolana feno manampy anao isan’andro

Ny Pack Misandratra dia ahitana ireo tolotra rehetra ilainao, manampy anao hitantana ny andavanandronao sy hanatanteraka ny tanjonao.

Manatona ny masoivoho PAMF akaiky anao hahafantaranao bebe kokoa ny Pack Misandratra sy hisitrahanao ireo tolotra ao anatiny.

Hisitraka ny tolotra

Safidio ny tolotra findramam-bola mety ho an’ny fetin’ny Fahaleovantena

Posted on by Avosanda Mahazofitiahenika

Anisan’ny fotoana andrasan’ny maro indrindra eto Madagasikara ny fetin’ny Fahaleovantena. Eo ny fankalazana miaraka amin’ny fianakaviana, ny fivezivezena, ny fanomanana isan-karazany ary eo ihany koa ireo tetikasa na ara-barotra. Matetika mitaky fandaniana fanampiny izany rehetra izany.

Ho an’ny olontsotra na mpandraharaha, ny findramam-bola dia vahaolana haingana iray ahafahana manatanteraka tetikasa iray na mamaly filàna ara-bola maika. Na izany aza, alohan’ny hirosoana amin’ny findramana dia ilaina ny misafidy ny tolotra mifanaraka amin’ny toe-bola sy ny tanjona kendrena.

1. Farito mazava ny antony hilanao findramam-bola

Alohan’ny hanaovana fangatahana findramam-bola dia tsara ny mamantatra mazava ny filànao.

Te hampandroso ny asanao ve ianao ? Te hanitatra asa fivelomanao sa misy fandaniana manokana ?

Ny fandinihana izany dia hanampy anao hamantatra ny vola tena ilainao ary hisoroka ny fangatahana mihoatra noho izay tena ilaina. Ny findramam-bola mifanaraka amin’ny filàna dia manampy ihany koa hitantana tsara ny vola sy hamerim-bola am-pilaminana.

2. Misafidiana tolotra findramam-bola mifanaraka amin’ny filànao

Tsy mitovy ny tanjon’ny karazana tolotra findramam-bola rehetra. Miankina amin’ny tetikasanao ny safidy tokony hatao.

Ny fampindramam-bola ho an’ny olon-tsotra dia afaka manampy amin’ny famatsiana ireo fandaniana andavanandro na tetikasa ao an-tokantrano. Ny crĂ©dit PME kosa dia natao indrindra ho an’ireo mpandraharaha te hanitatra na hampiroborobo ny asany.

Alohan’ny handraisana fanapahan-kevitra dia makà fotoana hahafantarana ny mampiavaka ilay fampindramam-bola sy ireo fepetra mifandraika aminy.

3. Tombano ny fahafahanao mamerim-bola

Alohan’ny hanaovana fangatahana findramam-bola dia ataovy azo antoka fa mifanaraka amin’ny teti-bolanao sy ny vola miditra aminao ny vola aloanao isam-bolana.

Mba hanaovana izany dia diniho ny vola miditra isam-bolana, ny fandaniana mahazatra, ny adidy isan-karazanay ary ireo zavatra tsy maintsy efaina.

Ny fampindramam-bola mety dia ilay manana fe-potoana sy vola aloa mifanaraka amin’ny toe-bolanao. Izany dia ahafahanao mamerim-bola am-pitoniana sy mandanjalanja ny teti-bolanao.

4. Ampitahao ireo fepetra amin’ny tolotra

Alohan’ny hanaovana sonia ny fifanarahana dia makà fotoana hampitahana ireo fepetra samihafa: ny vola azo, ny fe-potoana famerenam-bola, ny daty sy fomba famerenam-bola.

Aza misalasala mametraka fanontaniana amin’ny masoivohonao mba hahazoanao tsara ny antsipiriany. Arakaraka ny maha mazava ny fepetra no maha mora kokoa ny misafidy vahaolana mety anao.

Ankafizo am-pitoniana ny 26 Jona !

Na te hampivelatra ny asanao, na hanatanteraka tetikasa iray akaiky ny fonao, dia afaka manampy anao hanatanteraka izany ny findramam-bola mifanaraka amin’ny filànao.

Jereo eto avokoa ireo tsidiho ireo tolotra fampindramam-bola atolotray ary mahazoa ny torohevitra avy amin’ireo ekipanay.

Fahazarana tsotra 6 hanamafisana ny fizakan-tena ara-bola

Posted on by Avosanda Mahazofitiahenika

Ny fizakan-tena ara-bola dia tsy inona fa ny fahaizana mitantana ny vola eo am-pelatanana mba hahafahana manefa ny filĂ na andavanandro, miatrika ny tsy ampoizina, ary manatratra ireo tanjona.

Diso ny filazana fa natokana ho an’ireo manana fidiram-bola ambony ny fizakan-tena ara-bola. Mivoatra tsikelikely izy io arakaraky ny safidy sy ny fahazarana tsara ampiharina isan’andro.

Andeha hojerentsika ireo fahazarana tsotra enina afaka ampiharina hanamafisana ny fizakan-tena ara-bola.

1. Manara-maso tsy tapaka ny fandaniana

Ny dingana voalohany dia ny fahafantarana hoe aiza no alehan’ny volanao. Maro amin’ny fandaniana no toa madinika raha jerena tsirairay, nefa lasa fandaniana be rehefa tonga ny faran’ny volana.

ManokĂ na minitra vitsivitsy isan-kerinandro hanoratana ny fandaniana fa manampy anao hahita mazava kokoa ny toe-bolanao izany. Izany fahazarana izany dia ahafahana mahita ireo fandaniana be indrindra sy ireo mety ho tafahoatra.

Ny fahalalana tsara ny fomba fandaniana dia manampy anao handray fanapahan-kevitra tsara kokoa.

2. Manangana teti-bola azo tanterahina

Ny teti-bola dia fitaovana manampy amin’ny fandrindrana ny vola. Izy io dia ahafahana mizara ny fidiram-bola ho an’ny fandaniana ilaina, ny fialam-boly, ny tahiry ary ny tetikasa ho avy.

Tsy natao hanery tena tsy handany vola ny teti-bola, fa hanome làlana mazava amin’ny fitantanana azy. Tokony hifanaraka amin’ny tena fidiram-bola sy filàna izy.

Rehefa voaomana mialoha ny fandaniana dia mora kokoa ny misoroka ny tsy ampoizina ary mitantana ny fotoana ahitana fandaniana betsaka.

3. Mitahiry vola tsy tapaka

Ny tahiry dia iray amin’ireo fototry ny fizakan-tena ara-bola. Manampy hiatrika ny tsy ampoizina izy ary hahafahana manatanteraka tetikasa amin’ny dingana fohy ezaka na lavitra ezaka.

Tsy voatery manomboka amin’ny vola be. Na dia vola kely aza atokana isam-bolana dia mety hahazo vokatra tsara rehefa mandeha ny fotoana.

Ny faharetana sy ny fahazarana no zava-dehibe kokoa noho ny habetsaky ny vola atokana. Ny tanjona dia ny hahatonga ny fitahirizana ho fahazarana.

4. Mandinika alohan’ny hividianana zavatra lafo

Mety hanimba ny teti-bola ny fandaniana tampoka tsy voahevitra. Alohan’ny handaniana vola betsaka dia tsara ny maka fotoana hisaintsainana.

Miandrasa iray na roa andro mba hahafantaranao raha tena ilaina ilay zavatra na faniriana mandalo fotsiny. Ity fahazarana tsotra ity dia manampy anao hahay hitantam-bola.

Ny fanapahan-kevitra voadinika dia mahatonga fitantanana ara-bola tsara kokoa.

5. Mampitombo ny fahalalana ara-bola

Ny fahaizana momba ny teti-bola, ny tahiry, ny findramam-bola ary ny fitantana ny tranga tsy ampoizina, dia manampy anao handray fanapahan-kevitra tsara kokoa.

Tsy voatery manao fiofanana manokana ny fianarana ara-bola fa afaka mianatra amin’ny fomba tsotra. Manao fizarana maro mifandraika amin’ny fitantanana vola izahay, eto amin’ny tranokala, izay manampy anao hampitombo fahalalana.

Arakaraka ny hahaizanao ny fomba fiasan’ny vola no hitomboan’ny fahatokisan-tenanao sy ny fizakan-tenanao.

6. Mametraha tanjona ara-bola

Ny fananana tanjona mazava dia manome dikany ny ezaka atao. Mety ho fanomanana fianarana, fanombohana asa, fividianana zavatra lehibe na fananganana tahiry ho an’ny tsy ampoizina izany.

Ny tanjona dia hampitohy ny fahazotoanao sy hahitanao ny fandrosoana tsikelikely. Lasa misy dikany kokoa ny ezaka rehetra rehefa mitondra mankany amin’ny fahombiazana.

Na dia tanjona kely aza dia afaka mitondra fahazotoana maharitra.

Manangana tsikelikely ny fizakan-tena ara-bola

Tsy ho tratra anatin’ny iray andro monja ny fizakan-tena ara-bola. Ny fahazarana ampiharina anio dia manampy anao hanana toe-bola milamina kokoa sy hahafahanao mandroso am-pitoniana amin’ny tetikasanao.

Atombohy ampiharina amin’ity herinandro ity ny torohevitra iray amin’ireo nomenay ireo dia ho hitanao ny vokany afaka fotoana fohy.

Hijery torohevitra hafa

AVIS D’APPEL D’OFFRE OUVERT : Travaux d’amĂ©nagement, de dĂ©molition et de construction neuve

Posted on by Avosanda Mahazofitiahenika

Téléchargez ici la version PDF

pamf-logo

Lot II J1/AA, Morarano Alarobia – Antananarivo 101 – Madagascar

HIDITRA MIVANTANA
ROHY
HIFANDRAY
|