Hanao findramam-bola Hanao Tahiry Ny kaontiko

Author: Avosanda Mahazofitiahenika

Fivezivezena sy fandraharahana eto Madagasikara : manamora ny fahazoana fitaovam-pitaterana ny PAMF sy GMM

Posted on by Avosanda Mahazofitiahenika

Eto Madagasikara, tsy haingitraingitra fotsiny ny fananana fitaovam-pitaterana. Ho an’ny mpandraharaha, tantsaha na mpivarotra, dia matetika mamaritra ny fivoaran’ny asa ny fisian’ny fitaovam-pitaterana.

Fanaterana entana, fandehanana eny an-tsena, fitaterana vokatra na fanitarana ny asa … raha tsy manana fitaovam-pitaterana mifanaraka amin’ny filàna, dia voafetra ny fahafahana mampandroso ny asa. Ao anatin’izany indrindra no hiarahan’ny PAMF sy GMM miasa mba hanolorona vahaolana mifanaraka amin’izany. Notontosaina ny alakamisy lasa teo tato amin’ny foiben’ny PAMF ny fanaovan-tsonia ny fifanaraham-piaraha-miasa eo amin’ny roa tonta.

Tolotra manampy amin’ny fampandrosoana ny asa

Amin’ny faritra maro eto Madagasikara, mbola sakana lehibe amin’ny fampandrosoana ara-toekarena ny halaviran-dalana sy ny tsy fahampian’ny fitaovana.

Mety manana vokatra ny mpamokatra iray, saingy tsy afaka manatitra izany any amin’ny mpanjifa.
Te hampivelatra ny asany ny mpandraharaha iray, nefa voafetra ny azony atao noho ny olana ara-pitaterana.
Mety mahita fanararaotra ara-barotra ny mpivarotra iray, nefa tsy ampy ny fahafahany mivezivezy.

Midika izany fa tena manan-danja amin’ny fahombiazan’ny asa ny fananana fitaovana.

Fiaraha-miasa manamora ny fahazoana fitaovanam-pitaterana

Natambatry ny PAMF sy GMM ny tolotra ara-bola sy ny fisitrahana fitaovana, mba hanomezana vahaolana tokana mifanaraka amin’ny filàn’ny mpanjifa.

Manolotra vokatra samihafa mifanaraka amin’ny filànan’ireo mpanjifa ny GMM : fiara tsotra, kamiao kely sy lehibe, SUV, trakitera ary fitaovana misy motera ampiasaina amin’ny asa famokarana.

Etsy ankilany kosa, manamora ny fahazoana tolotra ara-bola mifanaraka amin’izany ny PAMF mba hahafahan’ ireo mpandraharaha, ireo tantsaha ary ireo mpisehatra matihanina mahazo ireo fitaovana ireo amin’ny fomba tsotra kokoa.

Ny tanjona dia ny hanampy ny mpanjifa hanatanteraka ny tetikasany amin’ny alalan’ny tolotra ara-bola mifanaraka amin’izany.

Mampivelatra ny asan’ny mpandraharaha ny fananana fitaovana

Tsy fitaovana tsotra ampiasaina andavanandro fotsiny ny fiara na ireo fitaovam-pamokarana misy motera.

Afaka manova tanteraka ny fomba fiasan’ny asa iray izany :

  • Manatsara ny fahafahana manatitra entana
  • Manitatra ny sehatra iasana
  • Mampihena ny fandaniana ara-pitaterana
  • Manatsara ny vokatra sy ny fahombiazan’ny asa
  • Mitsitsy fotoana amin’ny asa andavanandro

Amin’ny toe-javatra sasany aza, dia afaka manampy amin’ny fampivoarana asa madinika ho lasa orinasa matihanina izany.

Ary raha ny fitaovam-pitateranao manaraka eo no hampandroso ny asanao ?

Na hampandrosoana varotra, hampiroboroboana ny asa fambolena na hanamorana ny fivezivezena, dia manana vahaolana manampy anao amin’ny fanatanterahana izany izahay.

Raha mila fanazavana fanampiny momba ny fepetra sy ireo tolotra misy ianao, dia mifandraisa aminay na manatona mivantana ny masoivoho PAMF akaiky anao indrindra.

Ahoana ny fampiasana ny chatbot AI-na amin’ny fomba azo antoka ?

Posted on by Avosanda Mahazofitiahenika

Mandeha haingana avokoa ny zava-drehetraa amin’izao fotoana izao. Mila valiny tsotra sy mora azo ny olona, nefa tsy voatery afaka mivezivezy sy miandry ela. Izany indrindra no mahatonga ireo tolotra nomerika ho be mpampiasa amin’ny fiainana andavanandro.

Ao anatin’izany indrindra no namoahan’ny PAMF vahaolana tsotra amin’ny alalan’ny finday, antsoina hoe chatbot AI-na izay azo ampiasaina amin’ny Messenger sy WhatsApp.

Mora ampiasaina, manampy anao amin’ny fotoana rehetra, na aiza na aiza toerana misy anao rehetra AI-na.

AI-na : tolotra nomerika mora ampiasaina

Afaka mampiasa ny chatbot AI-na amin’ny Messenger sy WhatsApp ianao. Tsy mila mampiasa application hafa fanampiny intsony na manatona masoivoho.

Azonao atao ny :

  • mijery ny solde-nao ;
  • maka mini-relevé ;
  • manao virement compte à compte ;
  • manao « simulation » amin’ny findramam-bola sy fitehirizam-bola ;
  • miresaka mivantana amin’ny « agent » ;
  • mahita ireo masoivoho PAMF rehetra.

Izany rehetra izany no natao mba hanamorana ny fiainanao sy hahafahanao mikirakira ny kaontinao avy hatrany amin’ny findainao.

Fitandremana rehefa mampiasa ny chatbot AI-na

Tahaka ny fitaovana nomerika rehetra, mila mitandrina isika rehefa mikirakira ny tolotra. Satria mety hisy ihany koa ireo kaonty sandoka mampiasa Messenger sy WhatsApp.

Ireto avy ary misy fihetsika tsotra afaka manampy anao amin’ny fiarovana ny kaontinao.

1. Hamarino foana ny pejy ofisialy

Alohan’ny hanombohana resaka dia hamarino tsara fa tena pejy ofisialin’ny PAMF no iresahanao. Misy kaonty sandoka mety hitovy endrika amin’ny tena izy ka mety hampisavorovoro.

2. Tehirizo ho anao irery ny mombamomba anao

Tokony ho tazomina tsiambaratelo hatrany ny teny miafina, ny « code PIN », ny « code de validation (OTP) », ary ny momba ny kaonty manokana.

Raha misy hafatra voarainao mangataka ireo dia aleo tsy mizara na inona na inona na dia toa azo itokisana aza ny voalaza ao.

3.Mitandrema amin’ireo hafatra mampiahiahy

Raha maharay rohy tsy fantatra, fangatahana maika, hafatra hafahafa, dia makà fotoana foana hanamarinana izany. Raha misy fisalasalana dia ampiasao hatrany ireo tambazotra ofisialin’ny PAMF ao amin’ny Messenger sy WhatsApp.

4. Arovy ihany koa ny findainao

Ny fiarovana ny findainao dia fiarovana ny mombamomba anao ihany koa. Mampiasà teny miafina matanjaka, havaozy matetika ny applications-nao ary aza mampiasa finday na wi-fi tsy azo antoka.

Ny fahazarana tsara indrindra : mila mailo hatrany !

Andramo dieny izao ny tolotra !

Messenger sa WhatsApp? Anao ny safidy.

AI-na dia hita ao amin’ireo tambazotra roa ireo mba hanampy anao haingana, na aiza na aiza misy anao.

Tsy mila manova ny fahazaranao akory : sokafy fotsiny ny application fampiasanao dia mandefasa hafatra.

Manova ny fiainana andavanandro ny fampiasana entona fandrehitra

Posted on by Avosanda Mahazofitiahenika

Mahandro sakafo, mampafana rano na manomana sakafo ho an’ny fianakaviana iray manontolo. Anisan’ny fiainana andavanandro ireo, kanefa indraindray dia mandany fotoana sy manasarotra ny fandaminana ny tontolo andro.

Ary raha vahaolana tsotra tahaka ny fahafahana mampiasa entona fandrehitra no afaka manova zavatra ?

Haingam-pandeha ny fiainana ankehitriny ka maro ireo fianakaviana mitady vahaolana tsotra sy mora kokoa hanamorana ny andavanandro. Ary indraindray, fiovana kely ao an-dakozia dia mety hitondra fiovana lehibe eo amin’ny fiainana.

Fihetsika kely tsy dia tsikaritra isan’andro

Matetika ireo lazaina ho pitsopitson-javatra no tena mandamina fiainana.

Toy izany ny fampiasana entona fandrehitra. Afaka mahandro haingana kokoa maraina alohan’ny hiasana. Manomana sakafo tsy mila miandry ela. Tsy mila mandrehitra afo sy manomana arina fandrehitra intsony.

Ireo zavatra madinika ireo dia afaka manova tanteraka ny fandaminana ny andro iray. Ary rehefa mihamora ny asa sasany, dia mihamaivana ihany koa ny fandaminana ao an-trano.

Fitsitsiana fotoana isan’andro

Zava-dehibe ny minitra tsirairay amin’izao vanim-potoana izao. Rehefa lany fotoana amin’ny asa, ny fianarana ary ny andraikitra ao an-tokantrano, dia tena manan-danja ny fotoana kely hahafahana maka aina.

Anisan’ny tombony lehibe amin’ny fampiasana entona fandrehitra ny maha mora ampiasaina azy. Haingana kokoa ny fandrahoan-tsakafo ary azo ampiasaina avy hatrany. Tsy mila mandany fotoana mandrehitra afo kitay na arina na manomana ela be intsony alohan’ny handrahoana sakafo.

Izany fotoana voatahiry izany dia hahafahana mifantoka amin’ny zavatra hafa : hiarahana bebe kokoa amin’ny fianakaviana, hikarakarana asa, hialana sasatra na hankafizana fotoana milamina tsotra izao.

Filaminana bebe kokoa ao an-tokatrano

Mampilamina bebe kokoa ao an-trano ihany koa ny fampiasana entona fandrehitra. Madio kokoa ny lakozia, mihena ny setroka ary mihena ihany koa ny loto isan’andro.

Mitondra fiovana lehibe izany indrindra ho an’ireo tokantrano efa be zavatra atao isan’andro. Lasa mora kokoa, haingana kokoa ary mahafinaritra kokoa aza ny fanomanana sakafo.

Satria ny fiainana andavanandro mora kokoa dia manome fahasambara ho an’ny fianakaviana.

Tombontsoa azo tsapain-tanana

Ankoatra ny maha mora ampiasaina azy isan’andro, ny fampiasana entona fandrehitra dia mampihena ny fandaniana ao an-trano. Tsy izay ihany, fa mampihena ny setroka ao an-trano ary koa ny fampiasana arina na kitay rehefa mahandro.

Rehefa mandeha ny fotoana, ireo fahazarana vaovao ireo dia mety hisy vokany tsara eo amin’ny tontolo iainana.

Indraindray, ireo vahaolana tsotra indrindra no mitondra fahazarana tsara kokoa eo amin’ny fiainana andavanandro.

Ity ny vahaolana ho anao

Indraindray dia mety ho sarotra ny fahazoana entona fandrehitra, indrindra noho ny resaka tetibola na fitaovana ilaina. Izany indrindra no antony anoloranay vahaolana tsotra miaraka amin’i Vitogaz.

Efa tafiditra anatin’ny tolotra ny « bouteille à gaz » sy ireo fitaovana ilaina rehetra hanombohana mampiasa izany ao an-trano.

Afaka misitraka ity tolotra ity avokoa na ireo mponina an-tanàn-dehibe na ambanivohitra. Manatona ny masoivohonay avy hatrany raha te hahazo izany sy safidio ny fomba famerenam-bola mety aminao.

Azo aloa tsikelikely hatramin’ny 12 volana izany, mba hahafahanao mandroso moramora sy am-pilaminana.

Ka inona ary no andrasanao ?

Hisitraka ny tolotra

Manomana ireo tetikasa ho an’ny tapany faharoa amin’ny taona

Posted on by Avosanda Mahazofitiahenika

Matetika dia tonga haingana kokoa noho ny eritreretina ny tapany faharoa amin’ny taona. Eo anelanelan’ireo tanjona napetraka tany am-piandohana sy ny zava-misy andavanandro, dia indraindray ny mahatsapa tena ho tara na very lalana. Kanefa, fotoana lehibe ity ahafahana mandinika indray, mandamina ary manohy ireo tetikasa amin’ny fomba mazava kokoa.

Ireto misy dingana tsotra hanampy anao handamina indray ny tanjonao sy handroso am-pitoniana hatramin’ny faran’ny taona.

1. Manao tombana ny tapany voalohan’ny taona

Alohan’ny hanombohana indray dia ilaina aloha ny manao jery todika.

Inona avy ireo zavatra efa nahomby ? Inona kosa no mbola niandry na nihisatra ? Ary indrindra, inona no antony nahatonga izany ?

Tsy natao hitsarana tena io tombana io, fa natao hahafantarana tsara ny dingana misy anao. Manampy hahita ny tanjaka sy ireo sakana mety nisy izany, ary koa ny zavatra tena tokony hifantohana.

Matetika aza dia tsapantsika fa efa betsaka ihany ny zavatra vita, na dia tsy araka ny noeritreretina tany am-piandohana aza.

2. Mametraka indray ireo laharam-pahamehana

Rehefa misasaka ny taona dia matetika isika no te hamita indray miaraka ireo zava-drehetra tsy vita. Kanefa, ny fahombiazana dia matetika miainga fahafantarana mazava izay tena zava-dehibe.

Ny mety indrindra dia ny mandamina.

Inona avy ireo tanjona 2 na 3 tena manan-danja ho tratrarina mandritra ny tapany faharoa amin’ny taona ? Ireo no tokony hifantohana kokoa, na eo amin’ny fiainana manokana izany na eo amin’ny asa.

Indraindray koa dia ilaina ny mampiato vetivety tetikasa sasany, mba hahafahana mandroso tsara amin’izay tena ilaina.

3. Mamadika ny tanjona ho asa azo tanterahina

Ny tanjona tsy misy drafitra mazava dia mijanona ho faniriana fotsiny.

Mba hahafahana mandroso dia azo atao ny mitsinjara ny tanjona ho dingana madinika sy mora tanterahina. Tsy voatery hatao indray mandeha avokoa ny zava-drehetra : ny fitohizana sy ny faharetana no tena zava-dehibe.

Ity misy fanontaniana tsotra afaka manampy anao amin’izany : “Inona no dingana kely azoko atomboka dieny izao ?”

Izany fomba izany no manampy hisorohana ny faharerahana sy hitazonana ny fahavitrihana.

4. Manaiky ny toe-java misy ary mitazona ny fahavitrihana

Na dia manana drafitra tsara aza dia tsy voatery mandeha araka ny nomanina avokoa ny zavatra rehetra.Mety hisy zavatra tsy ampoizina, fiovan’ny laharam-pahamehana tampoka na faharerahana indraindray.

Tsy atao mahakivy izany. Ny zava-dehibe dia tsy ny hifehy ny zava-drehetra, fa ny fahaizana manaraka ny toe-javatra.

Manao tombana ny fandrosoana vita, mankalaza ireo dingana madinika tratra ary ny fananana toe-tsaina miabo dia manampy betsaka hitazonana ny fahavitrihana hatramin’ny faran’ny taona.

Raha fintinina

Ny tapany faharoa amin’ny taona dia tsy hazakazaka manohitra ny fotoana, fa fotoana iray ahafahana manao tsara kokoa, amin’ny fomba mazava sy voalamina kokoa.

Tombana, laharam-pahamehana, asa mazava ary fanarahana ny toe-java-misy : ireo no andry efatra hanampy handroso am-pitoniana sy amim-pahombiazana. Ary raha toa ka ity tapany faharoa amin’ny taona ity no lasa fotoana tena ahafahanao manatanteraka zavatra lehibe ?

Hijery torohevitra hafa

i-ndrana 643, mpanohana ny Fosa Energy Drag Racing

Posted on by Avosanda Mahazofitiahenika

Fotoana iray feno fihetseham-po ho an’ireo mpankafia hafainganam-pandeha ny Fosa Energy Drag Racing. Ary fotoana iray ihany koa handraisan’ny an’i i-ndrana 643 anjara.

Tsotra ny antony hanohananay ny hetsika : tsy eny an-dalana ihany no anehoana ny fahombiazana fa amin’ny alalan’ny fanohanana ary famaliana ny filàn’ny tsirairay.

Fijery iombonana : fomba fiasa haingana sy tsara

Nanomboka tamin’ny taona 2024, i-ndrana 643 dia manohana ny fanatanjahantena ara-motera ary mino fa ny hafainganam-pandeha sy ny fahombiazana dia tsy afa-misaraka amin’ny kalitao.

Ato anatin’ny tontolon’ny racing, tena zava-dehibe ny segondra tsirairay. Toy izany koa ny amin’ny fikarakarana ny fampindramam-bola. Izany fitiavana fahombiazana izany no manosika ny  i-ndrana 643 hanome tolotra findramam-bola haingana sy azo antoka. Satria ao ambadik’izay fangatahana iray dia misy tetikasa, tanjona ary fanantenana.

Fiaraha-miasa mitohy miaraka amin’i Runmada

Ho an’ity taom-pifaninanana 2026 ity, mitohy ny fiaraha-miasa amin’i Runmada, mpikarakara efa fanta-daza anatin’ny tontolon’ny fanatanjahantena ara-motera eto Madagasikara. Nanomboka tamin’ny 2025 ity fiaraha-miasa ity ary mbola mitohy hatramin’izao sy mihamafy hatraay. Tsy miova ny tanjona : mikarakara hetsika mampiray sy feno fahatsiarovana.

Andro iray feno fihetseham-po tao Arivonimamo

Natao ny alahady teo tao amin’ny Base 213 Arivonimamo ny hetsika, ary tena nahafa-po tanteraka.

Tao anatin’ny fandaharam-potoana : ny dingana voalohany amin’ny Fifaninana ho tompon-dakan’i Madagasikara amin’ny run 400m, ny dingana voalohany amin’ny Motorbike Drag Trophy 400m, ary koa ny sprint interclub niaraka tamin’ny hetsika fanentanana toy ny show girl sy queen parade.

Nafana ny hetsika na ho an’ny mpanamory fiarakodia na ho an’ireo mpijery tonga mavitrika.

Nofaranana tamin’ny fanolorana amboara ny hetsika iray feno fihetseham-po ity.

Ary raha ny tetikasanao indray no hafainganana dieny izao ?

Hifandray mivantana aminay

Ireo fahadisoana 5 mahatonga antsika tsy mahavita mitahiry vola

Posted on by Avosanda Mahazofitiahenika

Efa nisy fotoana ve ianao niteny hoe : “Amin’ity volana ity aho tena hitahiry vola e !”

Nefa dia tsy nisy tohiny ? Mandeha ny andro, mitombo ny fandaniana, lany ilay vola.
Ary ilay hoe “hitahiry” ? Mijanona ho resaka fotsiny.

Fa izao no marina, tsy resaka vintana na habetsahan’ny vola miditra no antony. Matetika dia fahazarana andavanandro no tena manakana.

Andeha hojerentsika ireo fahadisoana mahazatra manakana ny fitahirizam-bola sy ny vahaolana mifanaraka amin’izany na dia kely aza ny vola anananao.

1. Tsy manana teti-bola mazava

Anisan’ny fahadisoana mahazatra amin’ny fitantanam-bola ny mandeha tsy misy planina.

Rehefa tsy arahinao ny fandanianao, dia toa very fotsiny ny vola nefa tsy fantatra hoe nankaiza.
Vokany : tsy mahomby ny fitantanana teti-bola.

Heverinao fa mandany vola “ara-dalàna” ianao nefa ireo fandaniana madinika rehefa mitambatra dia be ihany.

Torohevitra tsotra :
Soraty ny fandanianao isan’andro, na dia kely aza. Rehefa hitanao mazava dia mora kokoa ny mifehy.

2. Miandry ny vola ambiny tavela vao mitahiry

Fahazarana mahazatra ny hoe mandoa ny fandaniana rehetra, avy eo vao miezaka mitahiry izay sisa ambiny eo.

Fa ny marina ? Matetika tsy misy ambiny mihitsy.

Izany no mahatonga ny fitahirizana lasa latsa-danja, na tsy misy akory aza.

Inona ny vahaolana amin’izany ?
Atokany dieny mialoha ny vola tahirizana. Raha vao mahazo vola ianao, dia asio ampahany ho tahiry, na dia kely aza.

3. Tsy manana tanjona ara-bola mazava

Ny mitahiry vola tsy misy tanjona dia toy ny mandeha anjambany.

Raha tsy mazava ny tanjona, dia very haingana ny fahavononana.
Io no iray amin’ireo fahadisoana lehibe manakana ny fitahirizam-bola.

Ahoana ary no atao ?
Mametraha tanjona mazava :
– hiantohana ny hoavy
– hanatanterahana tetikasa
– hoampiasaina hanohanana asa any aoriana

Ny tanjona mazava dia manome dikany ny ezaka rehetra.

4. Fandaniana tampoka

Mahita zavatra tsara tampoka eny an-tsena, na fihenam-bidy na zavatra tiana tsotr’izao. Ireo fandaniana ireo dia tsy dia tsikaritra eo noho eo, fa rehefa miangona dia lasa fandaniana be.

Eto no miseho ny tsy fahampian’ny fifehezana ara-bola.

Torohevitra mahomby : Alohan’ny hividianana zavatra tsy tena ilaina, miandrasa 24 ora. Matetika, rehefa afaka iray andro, tsy ilaina intsony ilay izy.

5. Mandany mihoatra noho ny vola miditra

Fahadisoana kely nefa mahery vaika izy ity.

Rehefa mihoatra ny vola miditra ny fandaniana, dia tsy ho afaka hitahiry mihitsy ianao.
Miteraka tsy fifandanjana maharitra amin’ny fitantanana teti-bola izany.

Ahoana no hitehirizana vola isam-bolana raha izany ?
Fantaro ny fandaniana azo ahena (abonnement tsy ilaina, fivoahana matetika…) ary avadiho ho tahiry izany.

Mila fifehezana tsikelikely !

Raha nahita ny tenanao tamin’ireo toe-javatra ireo ianao, aza manahy : tsy ianao irery no efa niaina izany.

Ampiharo ireo torohevitra nomenay ireo ambony, dia ho hitanao fa afaka hitahiry vola amin’ny fomba tsotra ianao.

Safidio ny tolotra mety aminao ary sokafy eto amin’ny tranokala avy hatrany ny kaonty tahirinao.

Hanokatra kaonty tahiry

Inona ny atao hoe « finance responsable » ?

Posted on by Avosanda Mahazofitiahenika

Amin’izao fotoana izao, ny fitantam-bola dia tsy mifantoka amin’ny tombony fotsiny ihany. Mihamaro ny olona liana amin’ny fanontaniana hoe: “Inona no fiantraikan’ny fampiasako vola amin’ny fiarahamonina sy ny tontolo iainana ?”
Izany indrindra no atao hoe « finance responsable ». Mampiasa vola amin’ny fomba mahomby sy maharitra, sady manampy ny hafa. Andeha hojerentsika ny dikan’izany, ny maha-zava-dehibe azy, ary ny anjara asan’ny PAMF Madagascar.

Mikasika ny « finance responsable »

Ny « finance responsable » dia fomba fitantanana vola izay mandinika ny fiantraikany amin’ny tontolo iainana, ny fiarahamonina ary ny fitantanana.

Izy io dia mifototra amin’ny fenitra ESG :

  • Environnement (Tontolo iainana) : manohana ny angovo azo havaozina sy ny fambolena maharitra.
  • Social (Fiarahamonina) : manampy ny olona sy ny vondrom-piarahamonina hivoatra.
  • Gouvernance (Fitantanana) : miantoka ny fangaraharana sy ny fahamendrehana amin’ny fitantanana.

Amin’ny ankapobeny, ny volanao dia afaka mitondra tombony ho anao sy ho an’ny hafa.

Nahoana no zava-dehibe ho an’ny rehetra izany

Ny finance responsabledia mitana andraikitra lehibe amin’ny fampandrosoana lovainjafy.

  • Ho anao : mampihena ny tahan’ny fampiasam-bola tsy azo antoka.
  • Ho an’ny fiarahamonina : manohana ny tetikasa mampandroso ny olona sy ny toekarena.
  • Ho an’ny tontolo iainana : miaro ny harena voajanahary sy mampiroborobo ny vahaolana maharitra.

Noho izany, ny vola ampiasainao dia lasa fitaovana hanovana ny ho avy.

Ny anjara asan’ny PAMF Madagascar

Ny PAMF Madagascar dia mpisehatra lehibe amin’ny microfinance eto Madagasikara, ary mampihatra mivantana ny « finance responsable » amin’ny asa ataony isan’andro.

Fanohanana ireo mpandraharaha madinika

Manome tolotra ara-bola mifanaraka amin’ny filan’ireo mpandraharaha madinika misehatra amin’ny tontolon’ny fambolena sy fiompiana, ny varotra ary ny tolotra isan-karazany izahay. Ankoatra izany, ny PAMF dia manolotra trano fitahirizam-bokatra (grenier communautaire villageois) ho an’ireo mpanangom-bokatra sy mpandraharaha amin’ny fambolena. Ireo fotodrafitrasa ireo dia manampy amin’ny fitahirizana sy fanatsarana ny vokatra, sady mamorona fahafahana ara-toekarena eo an-toerana.

Tolotra ara-bola tompon’andraikitra

Mihoatra lavitra noho ny tolotra mahazatra ny tolotra atolotray. Mitondra ny vokatsoa ara-tsosialy sy tontolo iainana izy ireo :

  • Ara-tsosialy : manampy ny mpanjifa hanatsara ny vola miditra sy ny fari-piainany amin’ny alalan’ireto tolotra findramam-bola sy fitahirizam-bola ho an’ny trano, ny fanabeazana, ny vehivavy sy ny ankizy.
  • Tontolo iainana : miara-miasa amin’ny HERi Madagascar, Inergy Solutions ary TotalEnergies izahay mba hanamorana ny fahazoana angovo azo avy amin’ny masoandro, indrindra ho an’ireo mponina any ambanivohitra.

Ny « finance responsable » dia manampy anao hanana tombony ara-bola sady mandray anjara amin’ny fampandrosoana maharitra.

👉 Fantaro ary ireo tolotra ara-bola mifanaraka amin’ny filanao !

Ny tantaran-dRamatoa Murielle : mpanjifa nahazo loka goavana

Posted on by Avosanda Mahazofitiahenika

Ahoana raha fahazarana tsotra iray dia afaka manokatra varavarana ho anao na koa manova tanteraka ny fiainanao andavanandro ?

Tao Antsiranana, mpanjifa iray mahatoky, mpampiasa ny tolotra m-kajy no nahazo fanomezana tsy nampoiziny.

Fanararaotra nahazoana loka

Ramatoa ARSICK Murielle Chryslaine, renim-pianakaviana monina ao Antsiranana, dia isan’ireo vehivavy mandroso amin’ny fahavononana, vonona hatrany handray ireo fanararaotra manoloana azy.

Mpampiasa matetika ny tolotra Orange Money i Ramatoa Murielle. Nahita ny tolotra m-kajy izy tamin’ny taona 2020 ary nanapa-kevitra hanandrana izany.

5 000 Ariary no vola azony nindramina tamin’ny tolotra tamin’izany fotoana. Na dia kely aza izany, dia tena nanampy azy tamin’ny filana ara-bola tampoka.

Rehefa nandeha ny fotoana, noho ny fahazotoany sy ny famerenam-bola ara-potoana nataony, dia nitombo tsikelikely ny vola azony nindramina. Mihoatra lavitra noho ny fanampiana vonjimaika ny m-kajy : vahaolana azo antoka, tsotra sy haingana, ary azo hitokisana isan’andro.

Resy lahatra amin’ny tombontsoa entin’ny tolotra izy, ka tsy nisalasala nizara izany tamin’ny manodidina azy. Nahita izany ireo namany sy havany, ka lasa nampiasa ny tolotra ihany koa.

“Ampiasao ity tolotra ity fa afaka manampy anao raha sendra mila vola tampoka,” hoy izy niteny ireo akaiky azy.

Amin’ny maha mpanjifa mahatra-po an-dRamatoa Murielle dia manome ohatra tsara : mandoa ara-potoana hatrany ny vola nindraminy izy ary manentana ny manodidina azy hanao toy izany koa. Ho azy, ny tolotra m-kajy dia vahaolana tsoatra, manampy amin’ny filàna andavanandro ary afaka manohana ny asa fivelomana ihany koa.

Fanomezana tsy nampoizina nanova fiainana

Tamin’ny faran’ny taona 2025, nikarakara lalao izahay ho fankasitrahana ireo mpanjifa m-kajy mavitrika mpampiasa ny tolotra m-kajy. Tsotra ny fitsipika : isaky ny mamerim-bola ara-potoana ianao dia mahazo tapakila fandraisana anjara.

Fihetsika tsotra andavanandro izay mety hitondra fiovana goavana.

Herinandro vitsy taty aoriana, naneno ny findain-dRamatoa Murielle. Tsy nampoiziny ny vaovao henony : izy no mpandresy voalohany tamin’ilay lalao.

Akory ny hafaliany saika tsy nino mihitsy izy.
“Tena tsy nino aho… efa nanampy ahy be ny tolotra m-kajy, fa tena tsy nampoiziko ilay loka!”

Nahazo ny loka voalohany : finday Samsung Galaxy S25 Ultra, vokatry ny fahatokisany sy ny fahazotoany mampiasa ny tolotra.

Mihoatra lavitra noho ny findramam-bola tsotra ny m-kajy

Ankoatra ny findramam-bola, dia mampiasa ny tolotra fitehirizam-bola amin’ny m-kajy ihany koa i Ramatoa Murielle. Mitahiry vola matetika amin’ny Tahiry izy, izay nahafahany nitsinjo ny vodiandromerika.

“Manao tahiry manodidina ny 900 000 Ariary hatramin’ny 1 500 000 Ariary eo ho eo aho. Vao tsy ela akory izay, narary ny dadako. Nifanampy izahay mpiray tampo nandoa ny fitsaboana azy isam-bolana. Izaho no nanangona ny vola ary napetrako tao amin’ny kaonty Tahiry ilay izy, ka nahazo zanabola tsara”

Rehefa sendra zava-tsarotra tsy ampoizina, dia tena manampy be ny fanaovana tahiry. “Narary koa ny mamako taorian’izay. Afaka naka ny vola notehiriziko hatrizay aho hanefana ny fitsaboana azy.”

Ity tantaran-dRamatoa Murielle ity dia maneho fa tsy mijanona ho famahana olana vetivety fotsiny ny m-kajy, fa fitaovana manampy sy miaro amin’ny fiainana andavanandro.

Ao ambadik’ny findramam-bola tsirairay, ny tahiry tsirairay… dia misy tantara.

Ny tantaran-dRamatoa Murielle no porofo fa : rehefa mazoto sy manana fahazarana tsara ara-bola, dia mitondra vokatra lehibe ny zavatra kely atao isan’andro.

Ary ianao ? Mety ho ny fanapahan-kevitrao manaraka no hanova ny zava-drehetra.

Fantaro ny fomba hisoratana anarana amin’ny m-kajy !

PAMF Ambohibao : masoivoho akaiky kokoa anareo

Posted on by Avosanda Mahazofitiahenika

Ary raha lasa mora kokoa ny mahazo tolotra ara-bola ?

Misokatra ho antsika eto Ambohibao ny varavaran’ny masoivoho vaovao PAMF. Varavarana misokatra ho anao sy ny tetikasanao. Ny fisokafan’ity masoivoho ity dia manamafy ny ezaka nataonay hatramin’izay dia ny hanakaiky ny mpanjifa hatrany.

Ny andraikitray

Nandritry ny 20 taona mahery, tsy niova ny fomba fijerinay : mendrika hisitraka tolotra ara-bola mifanaraka amin’ny filàny ny tsirairay.

Misy tantara ao ambadik’izany isa izany. Vehivavy nanomboka asa fandraharahana. Mpandraharaha sahy mampivelatra ny orinasany. Fianakaviana manorina ny hoaviny.

Ankehitriny, mihoatra ny 750 000 ny mpanjifa matoky ny PAMF, izay samy manana ny lalany.

Mihoatra lavitra noho ny fampindramam-bola ny asa ataonay. Mihaino, mamantatra ny olan’ny mpanjifa ary manampy azy ireo amin’ny dingana lalovany amin’ny fanatanterahana ny tetikasany izahay.

Ambohibao : toerana ivondron’ny asa maro

Ny antony nisafidiananay an’Ambohibao dia noho izy toerana ivondron’ny asa maro.

Maro ireo mpandraharaha miasa amin’ny sehatra samihafa ary miasa isanandro hampivoatra ny asany.  Ny PAMF dia nisafidy hanampy azy ireo amin’izany.

Ny fanokafana ity masoivoho fahadimy eto Antananarivo ity dia manamafy ny tanjonay dia ny hanakaiky kokoa ireo olona miasa sy manorina ny hoaviny.

Tsy toerana tsotra fotsiny ny masoivoho. Fa toerana hahafahana mametraka fanontaniana, mitady vahaolana, ary hahazoana vina mazava.

Mpiara-miombon’antoka eo anilanao hatrany

Indraindray, fanampiana kely fotsiny dia efa ampy handrosoana.

Ny findramam-bola dia manampy anao hanombohana ny tetikasa, hividianana fitaovana, hampivelarana varotra na hiantohana toe-javatra. Manana tolotra mifanaraka amin’izany izahay ao amin’ny masoivoho.

Ary ao ambadik’izay tetikasa miroborobo dia misy vokatra azo tsapain-tanana : fidiram-bola mitombo kokoa, filaminana bebe kokoa, ary asa maro miforona.

Ankoatra ny tolotra omenay, ny fifandraisana amin’ny mpanjifa dia manandanja aminay.

Amin’ny alalan’ity masoivoho vaovao ao Ambohibao ity, ny PAMF dia tsy mpanome tolotra fotsiny ihany, fa mpiara-miombon’antoka azo itokisana. Mpiara-miasa mahafantatra ny zava-misy eny ifotony, manohana ary miara-mandroso amin’ny mpanjifany.

Satria zava-dehibe aminay ny tetikasa tsirairay. Ary indraindray, dia manomboka amin’ny fahasahiana manokatra varavarana iray izany rehetra izany.

Mila fanohanana ve ianao hanatanterahana ny tetikasanao?

Vonona handray ny ekipanay ao Ambohibao. Manatona avy hatrany ny masoivoho na mandefasa hafatra eto.

Mpandraharaha madinika : ahoana no hisafidianana tolotra findramam-bola mifanaraka amin’ny asanao ?

Posted on by Avosanda Mahazofitiahenika
Portrait of asian woman, manager standing with tablet in front of cafe entrance, welcomes guests. Business and entrepreneurs concept

Ny mpandraharaha madinika dia sahy manova hevitra iray ho lasa loharanom-bola ary vonona hampivelatra ny asany na varotra ataony. Nohon’ny fisian’ny tolotra findramam-bola maro samihafa anefa dia maro no manontany tena hoe : inona no fampindramam-bola mety indrindra amin’ny tetikasako ?

Ireto misy torohevitra 5 manampy anao hisafidy ny tolotra findramam-bola mety aminao.

1. Fantaro mazava ny antony ilanao findramam-bola

Alohan’ny hangatahana fampindramam-bola dia makà fotoana hamaritana mazava ny tanjonao.

Inona no tetikasa tianao hotanterahina ? Te hividy fitaovana vaovao ve ? Te ampitombo ny tahirin’entana amidy ? Sa hanombohana asa vaovao mety hampitombo ny vola miditra ?

Ny findramam-bola dia tokony hifanaraka amin’ny tanjonao ary tokony hanampy amin’ny fampiroboroboana ny asanao.

2. Ampitahao ireo tolotra findramam-bola misy

Maro ireo tolotra natao ho an’ny mpandraharaha madinika, izay azonao sitrahana arakaraky ny haben’ny tetikasanao sy ny fivoaran’ny asanao.

Ny findramam-bola madinika dia mety amin’ny tetikasa kely, ary ny tolotra PME kosa dia afaka manohana tetikasa lehibe kokoa.

Makà fotoana hampitahana ny lelavola azo hindramina, ny fepetra famerenam-bola ary ny faharetan’ny fampindramam-bola. Izany dia manampy anao hisafidy ny tolotra tena mifanaraka amin’ny asanao.

3. Tombano ny fahafahanao mamerim-bola

Mialohan’ny anaovana findramam-bola dia ilaina ny mandinika ny toe-bolanao mba hahafantaranao ny fahafahanao mamerina ny vola.

Diniho ny vola miditra, ny fandaniana ary ny faharetan’ny asanao mba hahazoana antoka fa ho zakanao tsara ny famerenam-bola.

Ny findramam-bola voafidy tsara dia tokony hampandroso anao sy hanampy anao hampivelatra ny asanao am-pitoniana.

4. Saino ny fomba hampiasana ny vola

Rehefa misafidy tolotra ianao dia tsara ny manana fomba fijery stratejika. Tokony ho ampiasaina amin’ny fomba voahevitra ny vola, mba hampivelatra ny asanao.

Ohatra amin’izany ny fividianana fitaovana manatsara ny famokarana na ny fampitomboana tahirin’entana alohan’ny vanim-potoana be mpanjifa.

Raha ampiasaina amin’ny fandaniana tsy mifandray amin’ny fivoaran’ny asa kosa ny vola dia mety hanahirana anao ary hanakana ny fitomboan’ny asanao.

5. Misafidiana mpiara-miombon’antoka ara-bola azo antoka

Ankoatra ny lelavola azo hindramina na ny tahan’ny zana-bola dia zava-dehibe ny misafidy mpiara-miombon’antoka mahafantatra ny zava-misy sy ny fanamby iainan’ny mpandraharaha madinika.

Izahay ato amin’ny PAMF dia manolotra tolotra findramam-bola mifanaraka amin’ny filàn’ny mpandraharaha madinika. Tsy voafetra ny vola azo hindramina fa arakaraky ny tetikasanao ary afaka mamerim-bola hatramin’ny 36 volana ianao.

Tsy mijanona amin’ny fanomezana tolotra fotsiny izahay. Mandray an-tananao anao ny ekipanay : mihaino ny tetikasanao, manazava ny fepetra rehetra, ary manampy anao hisafidy ny vahaolana mety indrindra aminao.

Ampiroboroboy ny asanao !

👉 Tsidiho ny masoivoho PAMF akaiky anao na antsoy ny 643 hahafahanao misitraka tolotra findramam-bola hampivoatra ny asanao.

pamf-logo

Lot II J1/AA, Morarano Alarobia – Antananarivo 101 – Madagascar

HIDITRA MIVANTANA
ROHY
HIFANDRAY
|