Category: Conseils pratiques

Matetika dia tonga haingana kokoa noho ny eritreretina ny tapany faharoa amin’ny taona. Eo anelanelan’ireo tanjona napetraka tany am-piandohana sy ny zava-misy andavanandro, dia indraindray ny mahatsapa tena ho tara na very lalana. Kanefa, fotoana lehibe ity ahafahana mandinika indray, mandamina ary manohy ireo tetikasa amin’ny fomba mazava kokoa.

Ireto misy dingana tsotra hanampy anao handamina indray ny tanjonao sy handroso am-pitoniana hatramin’ny faran’ny taona.

1. Manao tombana ny tapany voalohan’ny taona

Alohan’ny hanombohana indray dia ilaina aloha ny manao jery todika.

Inona avy ireo zavatra efa nahomby ? Inona kosa no mbola niandry na nihisatra ? Ary indrindra, inona no antony nahatonga izany ?

Tsy natao hitsarana tena io tombana io, fa natao hahafantarana tsara ny dingana misy anao. Manampy hahita ny tanjaka sy ireo sakana mety nisy izany, ary koa ny zavatra tena tokony hifantohana.

Matetika aza dia tsapantsika fa efa betsaka ihany ny zavatra vita, na dia tsy araka ny noeritreretina tany am-piandohana aza.

2. Mametraka indray ireo laharam-pahamehana

Rehefa misasaka ny taona dia matetika isika no te hamita indray miaraka ireo zava-drehetra tsy vita. Kanefa, ny fahombiazana dia matetika miainga fahafantarana mazava izay tena zava-dehibe.

Ny mety indrindra dia ny mandamina.

Inona avy ireo tanjona 2 na 3 tena manan-danja ho tratrarina mandritra ny tapany faharoa amin’ny taona ? Ireo no tokony hifantohana kokoa, na eo amin’ny fiainana manokana izany na eo amin’ny asa.

Indraindray koa dia ilaina ny mampiato vetivety tetikasa sasany, mba hahafahana mandroso tsara amin’izay tena ilaina.

3. Mamadika ny tanjona ho asa azo tanterahina

Ny tanjona tsy misy drafitra mazava dia mijanona ho faniriana fotsiny.

Mba hahafahana mandroso dia azo atao ny mitsinjara ny tanjona ho dingana madinika sy mora tanterahina. Tsy voatery hatao indray mandeha avokoa ny zava-drehetra : ny fitohizana sy ny faharetana no tena zava-dehibe.

Ity misy fanontaniana tsotra afaka manampy anao amin’izany : “Inona no dingana kely azoko atomboka dieny izao ?”

Izany fomba izany no manampy hisorohana ny faharerahana sy hitazonana ny fahavitrihana.

4. Manaiky ny toe-java misy ary mitazona ny fahavitrihana

Na dia manana drafitra tsara aza dia tsy voatery mandeha araka ny nomanina avokoa ny zavatra rehetra.Mety hisy zavatra tsy ampoizina, fiovan’ny laharam-pahamehana tampoka na faharerahana indraindray.

Tsy atao mahakivy izany. Ny zava-dehibe dia tsy ny hifehy ny zava-drehetra, fa ny fahaizana manaraka ny toe-javatra.

Manao tombana ny fandrosoana vita, mankalaza ireo dingana madinika tratra ary ny fananana toe-tsaina miabo dia manampy betsaka hitazonana ny fahavitrihana hatramin’ny faran’ny taona.

Raha fintinina

Ny tapany faharoa amin’ny taona dia tsy hazakazaka manohitra ny fotoana, fa fotoana iray ahafahana manao tsara kokoa, amin’ny fomba mazava sy voalamina kokoa.

Tombana, laharam-pahamehana, asa mazava ary fanarahana ny toe-java-misy : ireo no andry efatra hanampy handroso am-pitoniana sy amim-pahombiazana. Ary raha toa ka ity tapany faharoa amin’ny taona ity no lasa fotoana tena ahafahanao manatanteraka zavatra lehibe ?

Efa nisy fotoana ve ianao niteny hoe : “Amin’ity volana ity aho tena hitahiry vola e !”

Nefa dia tsy nisy tohiny ? Mandeha ny andro, mitombo ny fandaniana, lany ilay vola.
Ary ilay hoe “hitahiry” ? Mijanona ho resaka fotsiny.

Fa izao no marina, tsy resaka vintana na habetsahan’ny vola miditra no antony. Matetika dia fahazarana andavanandro no tena manakana.

Andeha hojerentsika ireo fahadisoana mahazatra manakana ny fitahirizam-bola sy ny vahaolana mifanaraka amin’izany na dia kely aza ny vola anananao.

1. Tsy manana teti-bola mazava

Anisan’ny fahadisoana mahazatra amin’ny fitantanam-bola ny mandeha tsy misy planina.

Rehefa tsy arahinao ny fandanianao, dia toa very fotsiny ny vola nefa tsy fantatra hoe nankaiza.
Vokany : tsy mahomby ny fitantanana teti-bola.

Heverinao fa mandany vola “ara-dalàna” ianao nefa ireo fandaniana madinika rehefa mitambatra dia be ihany.

Torohevitra tsotra :
Soraty ny fandanianao isan’andro, na dia kely aza. Rehefa hitanao mazava dia mora kokoa ny mifehy.

2. Miandry ny vola ambiny tavela vao mitahiry

Fahazarana mahazatra ny hoe mandoa ny fandaniana rehetra, avy eo vao miezaka mitahiry izay sisa ambiny eo.

Fa ny marina ? Matetika tsy misy ambiny mihitsy.

Izany no mahatonga ny fitahirizana lasa latsa-danja, na tsy misy akory aza.

Inona ny vahaolana amin’izany ?
Atokany dieny mialoha ny vola tahirizana. Raha vao mahazo vola ianao, dia asio ampahany ho tahiry, na dia kely aza.

3. Tsy manana tanjona ara-bola mazava

Ny mitahiry vola tsy misy tanjona dia toy ny mandeha anjambany.

Raha tsy mazava ny tanjona, dia very haingana ny fahavononana.
Io no iray amin’ireo fahadisoana lehibe manakana ny fitahirizam-bola.

Ahoana ary no atao ?
Mametraha tanjona mazava :
– hiantohana ny hoavy
– hanatanterahana tetikasa
– hoampiasaina hanohanana asa any aoriana

Ny tanjona mazava dia manome dikany ny ezaka rehetra.

4. Fandaniana tampoka

Mahita zavatra tsara tampoka eny an-tsena, na fihenam-bidy na zavatra tiana tsotr’izao. Ireo fandaniana ireo dia tsy dia tsikaritra eo noho eo, fa rehefa miangona dia lasa fandaniana be.

Eto no miseho ny tsy fahampian’ny fifehezana ara-bola.

Torohevitra mahomby : Alohan’ny hividianana zavatra tsy tena ilaina, miandrasa 24 ora. Matetika, rehefa afaka iray andro, tsy ilaina intsony ilay izy.

5. Mandany mihoatra noho ny vola miditra

Fahadisoana kely nefa mahery vaika izy ity.

Rehefa mihoatra ny vola miditra ny fandaniana, dia tsy ho afaka hitahiry mihitsy ianao.
Miteraka tsy fifandanjana maharitra amin’ny fitantanana teti-bola izany.

Ahoana no hitehirizana vola isam-bolana raha izany ?
Fantaro ny fandaniana azo ahena (abonnement tsy ilaina, fivoahana matetika…) ary avadiho ho tahiry izany.

Amin’izao fotoana izao, ny fitantam-bola dia tsy mifantoka amin’ny tombony fotsiny ihany. Mihamaro ny olona liana amin’ny fanontaniana hoe: “Inona no fiantraikan’ny fampiasako vola amin’ny fiarahamonina sy ny tontolo iainana ?”
Izany indrindra no atao hoe « finance responsable ». Mampiasa vola amin’ny fomba mahomby sy maharitra, sady manampy ny hafa. Andeha hojerentsika ny dikan’izany, ny maha-zava-dehibe azy, ary ny anjara asan’ny PAMF Madagascar.

Mikasika ny « finance responsable »

Ny « finance responsable » dia fomba fitantanana vola izay mandinika ny fiantraikany amin’ny tontolo iainana, ny fiarahamonina ary ny fitantanana.

Izy io dia mifototra amin’ny fenitra ESG :

• Environnement (Tontolo iainana) : manohana ny angovo azo havaozina sy ny fambolena maharitra.
• Social (Fiarahamonina) : manampy ny olona sy ny vondrom-piarahamonina hivoatra.
• Gouvernance (Fitantanana) : miantoka ny fangaraharana sy ny fahamendrehana amin’ny fitantanana.

Amin’ny ankapobeny, ny volanao dia afaka mitondra tombony ho anao sy ho an’ny hafa.

Nahoana no zava-dehibe ho an’ny rehetra izany

Ny finance responsabledia mitana andraikitra lehibe amin’ny fampandrosoana lovainjafy.

• Ho anao : mampihena ny tahan’ny fampiasam-bola tsy azo antoka.
• Ho an’ny fiarahamonina : manohana ny tetikasa mampandroso ny olona sy ny toekarena.
• Ho an’ny tontolo iainana : miaro ny harena voajanahary sy mampiroborobo ny vahaolana maharitra.

Noho izany, ny vola ampiasainao dia lasa fitaovana hanovana ny ho avy.

Ny anjara asan’ny PAMF Madagascar

Ny PAMF Madagascar dia mpisehatra lehibe amin’ny microfinance eto Madagasikara, ary mampihatra mivantana ny « finance responsable » amin’ny asa ataony isan’andro.

Fanohanana ireo mpandraharaha madinika

Manome tolotra ara-bola mifanaraka amin’ny filan’ireo mpandraharaha madinika misehatra amin’ny tontolon’ny fambolena sy fiompiana, ny varotra ary ny tolotra isan-karazany izahay. Ankoatra izany, ny PAMF dia manolotra trano fitahirizam-bokatra (grenier communautaire villageois) ho an’ireo mpanangom-bokatra sy mpandraharaha amin’ny fambolena. Ireo fotodrafitrasa ireo dia manampy amin’ny fitahirizana sy fanatsarana ny vokatra, sady mamorona fahafahana ara-toekarena eo an-toerana.

Tolotra ara-bola tompon’andraikitra

Mihoatra lavitra noho ny tolotra mahazatra ny tolotra atolotray. Mitondra ny vokatsoa ara-tsosialy sy tontolo iainana izy ireo :

• Ara-tsosialy : manampy ny mpanjifa hanatsara ny vola miditra sy ny fari-piainany amin’ny alalan’ireto tolotra findramam-bola sy fitahirizam-bola ho an’ny trano, ny fanabeazana, ny vehivavy sy ny ankizy.
• Tontolo iainana : miara-miasa amin’ny HERi Madagascar, Inergy Solutions ary TotalEnergies izahay mba hanamorana ny fahazoana angovo azo avy amin’ny masoandro, indrindra ho an’ireo mponina any ambanivohitra.

---

Ny « finance responsable » dia manampy anao hanana tombony ara-bola sady mandray anjara amin’ny fampandrosoana maharitra.

👉 Fantaro ary ireo tolotra ara-bola mifanaraka amin’ny filanao !

Ny mpandraharaha madinika dia sahy manova hevitra iray ho lasa loharanom-bola ary vonona hampivelatra ny asany na varotra ataony. Nohon’ny fisian’ny tolotra findramam-bola maro samihafa anefa dia maro no manontany tena hoe : inona no fampindramam-bola mety indrindra amin’ny tetikasako ?

Ireto misy torohevitra 5 manampy anao hisafidy ny tolotra findramam-bola mety aminao.

1. Fantaro mazava ny antony ilanao findramam-bola

Alohan’ny hangatahana fampindramam-bola dia makà fotoana hamaritana mazava ny tanjonao.

Inona no tetikasa tianao hotanterahina ? Te hividy fitaovana vaovao ve ? Te ampitombo ny tahirin’entana amidy ? Sa hanombohana asa vaovao mety hampitombo ny vola miditra ?

Ny findramam-bola dia tokony hifanaraka amin’ny tanjonao ary tokony hanampy amin’ny fampiroboroboana ny asanao.

2. Ampitahao ireo tolotra findramam-bola misy

Maro ireo tolotra natao ho an’ny mpandraharaha madinika, izay azonao sitrahana arakaraky ny haben’ny tetikasanao sy ny fivoaran’ny asanao.

Ny findramam-bola madinika dia mety amin’ny tetikasa kely, ary ny tolotra PME kosa dia afaka manohana tetikasa lehibe kokoa.

Makà fotoana hampitahana ny lelavola azo hindramina, ny fepetra famerenam-bola ary ny faharetan’ny fampindramam-bola. Izany dia manampy anao hisafidy ny tolotra tena mifanaraka amin’ny asanao.

3. Tombano ny fahafahanao mamerim-bola

Mialohan’ny anaovana findramam-bola dia ilaina ny mandinika ny toe-bolanao mba hahafantaranao ny fahafahanao mamerina ny vola.

Diniho ny vola miditra, ny fandaniana ary ny faharetan’ny asanao mba hahazoana antoka fa ho zakanao tsara ny famerenam-bola.

Ny findramam-bola voafidy tsara dia tokony hampandroso anao sy hanampy anao hampivelatra ny asanao am-pitoniana.

4. Saino ny fomba hampiasana ny vola

Rehefa misafidy tolotra ianao dia tsara ny manana fomba fijery stratejika. Tokony ho ampiasaina amin’ny fomba voahevitra ny vola, mba hampivelatra ny asanao.

Ohatra amin’izany ny fividianana fitaovana manatsara ny famokarana na ny fampitomboana tahirin’entana alohan’ny vanim-potoana be mpanjifa.

Raha ampiasaina amin’ny fandaniana tsy mifandray amin’ny fivoaran’ny asa kosa ny vola dia mety hanahirana anao ary hanakana ny fitomboan’ny asanao.

5. Misafidiana mpiara-miombon’antoka ara-bola azo antoka

Ankoatra ny lelavola azo hindramina na ny tahan’ny zana-bola dia zava-dehibe ny misafidy mpiara-miombon’antoka mahafantatra ny zava-misy sy ny fanamby iainan’ny mpandraharaha madinika.

Izahay ato amin’ny PAMF dia manolotra tolotra findramam-bola mifanaraka amin’ny filàn’ny mpandraharaha madinika. Tsy voafetra ny vola azo hindramina fa arakaraky ny tetikasanao ary afaka mamerim-bola hatramin’ny 36 volana ianao.

Tsy mijanona amin’ny fanomezana tolotra fotsiny izahay. Mandray an-tananao anao ny ekipanay : mihaino ny tetikasanao, manazava ny fepetra rehetra, ary manampy anao hisafidy ny vahaolana mety indrindra aminao.

Ampiroboroboy ny asanao !

👉 Tsidiho ny masoivoho PAMF akaiky anao na antsoy ny 643 hahafahanao misitraka tolotra findramam-bola hampivoatra ny asanao.

Ny hoe mitahiry vola dia tsy hoe mametraka vola fotsiny ihany. Fomba iray hanatanterahana ny tetikasanao sy hiantohana ny hoavinao izy io. Lasa haingana sy mora kokoa ho an’ny rehetra ny manokatra kaonty tahiry nohon’ny tolotra nomerika izay ataonay. Afaka manao izany avy hatrany amin’ny alalan’ny solosaina na amin’ny findainao ianao amin’izao fotoana izao !

Inona no tombony azo amin’ny fanokafana kaonty amin’ny tranokala ?

Ny kaonty fitehirizam-bola dia manampy anao hampitombo ny volanao am-pilaminana. Na olon-tsotra ianao na mpandraharaha, manampy anao hiomanana amin’ny tranga tsy ampoizina, hanatanteraka ny tetikasa, na hanangona renivola tsikelikely ny fitehirizam-bola.

Mitsitsy fotoana kokoa ny manokatra kaonty fitehirizam-bola amin’ny aterineto. Tsy mila taratasy sy dingana marobe. Afaka mijery sy mampitaha ny tolotra misy ianao, misafidy izay mifanaraka amin’ny filànao, ary miroso avy hatrany amin’ny fanokafana kaonty PAMF.

Manana tolotra fitehirizana isan-karazany izahay, natao hifanaraka amin’ny filàn’ny tsirairay. Azonao jerena eto ireto tolotra rehetra omenay : 👉 Tolotra fitehirizam-bola

Inona avy ireo dingana arahana raha hanokatra kaonty PAMF ?

Tsotra sy haingana ny dingana. Midira eto amin’ny : 👉 Simulation d’épargne PAMF

Soraty ny lelavola tianao tahirizina sy ny fe-potoana mety aminao. Miseho eo avy hatrany ny zana-bola azonao ary afaka manitsy ny teti-kasanao arak’izany ianao. Avy eo, tsindrio ny “Ouvrir un compte” hanombohana ny fangatahanao. Ao anatin’ny dingana vitsy monja dia misokatra ny kaontinao.

Nataonay ho fohy sy mora ny dingana arahana mba hahafahan’ny rehetra misitraka tolotra fitehirizam-bola azo antoka. Afaka manokatra kaonty am-pitoniana ianao ary miasa ho anao ny volanao.

Aza miandry ela intsony ary ! Manokafa kaonty tahiry dieny izao.

Anatin’ny fianakaviana maro, misy lohahevitra iray mbola zara raha resahina: ny vola.
Indraindray resahina amin’ny feo malefaka izy io, ary matetika aza tsy resahina mihitsy. Toy ny hoe lohahevitra saropady na tsy tokony horesahina. Kanefa, ao ambadik’io fahanginana io dia matetika misy fanontaniana sy fisalasalana… ary indrindra koa faniriana hahatakatra bebe kokoa.

Ary ahoana raha ovaina izany ?

Alaivo sary an-tsaina anie ny fotoana hahafahana miresaka malalaka momba ny tetibola, ny tahiry na koa ny safidy ara-bola. Resaka tsotra, nefa manampy ny tsirairay hahafantatra ny fomba fitantanam-bola isan’andro.

Izany indrindra no tanjon’ny Global Money Week 2026, hetsika iraisam-pirenena natokana ho an’ny fanabeazana ara-bola. Amin’ity taona ity, mazava ny lohahevitra : « Andao hahasahy hiresaka momba ny vola ».

Satria raha ny marina, tsy tokony ho fady ny miresaka vola. Ny fifampizarana, ny fanontaniana ary ny fianarana no manampy antsika handray fanapahan-kevitra tsara kokoa ho an’ny hoavintsika ara-bola.

Maninona no zava-dehibe ny miresaka momba ny vola ?

Mampiasa vola foana isika eo amin’ny fiainantsika andavanandro : rehefa miantsena, rehefa mandoa faktiora, na rehefa mitahiry vola ho an’ny tetikasa iray. Kanefa, anatin’ny tokantrano maro dia mbola vitsy ny miresaka momba azy.

Tsy hoe tsy mahaliana ny resa-bola, fa tsy nampianarina hiresaka momba izany isika. Lasa lohahevitra ialàna na avela mangina fotsiny.

Kanefa indraindray dia resaka tsotra monja dia afaka manova ny fomba fijerintsika. Rehefa manomboka miresaka vola ny fianakaviana iray, dia misy fahalalana sarobidy ampitaina.

Mianatra tsikelikely ny ankizy fa ny vola tsy natao holaniana fotsiny ihany, fa mila tantanana amim-pitandremana. Mianatra mandamina fandaniana, misoroka ny fividianana tampoka, ary mieritreritra ny tahiry ho an’ny ho avy.

Rehefa mandeha ny fotoana, dia tsy lohahevitra saropady intsony ny vola. Lasa fitaovana manampy antsika hitantana tsara kokoa ny volantsika.

Ny fanabeazana ara-bola, lakilen’ny hoavy mamiratra

Ny fanabeazana ara-bola dia manampy antsika hahafantatra bebe kokoa ny fomba fiasan’ny vola. Manampy ihany koa izy io hananganana fiarovana ara-bola ho an’ny hoavy.

Ny dingana voalohany dia ny fanaraha-maso ny fandaniana. Rehefa fantatra izany dia mora kokoa ny mandamina ny tetibola sy ny tahiry.

Na dia tahiry kely aza dia mety hitondra fiovana lehibe. Afaka manampy hiatrehana toe-javatra tsy ampoizina izy ireny, ary manampy koa amin’ny fanatanterahana tetikasa.

Ny fanabeazana ara-bola dia manampy antsika hitantana ny vola amin’ny fomba mahomby kokoa ary handray fanapahan-kevitra mazava.

 « Microfinance » : manampy amin’ny fampiatiana ara-bola

Manana anjara toerana lehibe, ho an’ny firenena maro, ny « microfinance » amin’ny alalan’ny fanomezana tolotra ara-bola.

Tafiditra anatin’izany ny tahiry, ny fampindramam-bola ho an’ny tetikasa, na koa ny fanomezana torohevitra ara- bola. Manampy ny fianakaviana sy ny mpandraharaha hitantana tsara ny volany izy ireo arak’izany.

Amin’ny maha mpisehatra amin’ny fampiatiana ara-bola, ny PAMF dia handray anjara mavitrika amin’ny fankalazana nhy Global Money Week 2026.

Hisy hetsika maro hotanterahina amin’izany : toy ny fanentanana any amin’ny toerana isan-karazany, lahadinika, fifanakalozan-kevitra, ary hetsika hanentanana ny olona hiresaka bebe kokoa momba ny fanabeazana ara-bola sy ny fitantanana vola.

Araho akaiky ny fankalazana ny Global Money Week 2026 !

Jereo eto ireo vaovao rehetra zarainay mba hahafantaranao ireo hetsika, torohevitra ary fanentanana hozarainay mandritr’ity fankalazana natokana ho an’ny fanabeazana ara-bola ity.

Te hanana hoavy milamina kokoa ve ianao, nefa tsy te hanasarotra ny fiainanao ? Ny kaonty fitahirizam-bola dia fomba tsotra sy mora hahafahanao manatanteraka ny tetikasanao.
Ato amin’ny PAMF, mpisehatra lehibe amin’ny sehatry ny « microfinance » eto Madagasikara, ny fitahirizana dia fomba tsotra manampy anao  hanomana ny hoavinao ara-bola.

1. Fitahirizana azo antoka ho an’ny tetikasanao rehetra

Ny fanokafana kaonty fitahirizam-bola dia manampy anao hiaro ny volanao. Ato amin’ny PAMF, voaaro tsara ny vola apetrakao ary afaka mitahiry am-pahatokisana ianao.

Misy karazana kaonty fitahirizana maro azonao isafidianana ao amin’ny masoivoho :

• « Epargne classique » : tsotra sy azon’ny rehetra atao ;
• « Epargne Avenir Enfant – Education » hanomanana ny hoavin’ny zanakao ;
• « Epargne Tahiry-Nakà » sy « Epargne Boost Affaire » ho an’ny mpandraharaha, olon-tsotra ary orinasa ;
• « Epargne Femme Plus » natokana ho an’ny vehivavy ;
• « Epargne Retraite Plus » hanomanana ny fisotroan-dronono ;
• « Epargne Logement » hananganana ny tranonao amin’ny hoavy.

Misy kaonty fitahirizana mifanaraka amin’ny filanao hatrany na tetikasa maika na lavitra ezaka no tianao ho tanterahana. Tsy izay ihany fa tsotra ny fitehirizam-bola eny amin’ny masoivoho PAMF ary manampy anao hampivoatra amin’ny tetikasanao.

2. Zana-bola tsara indrindra hampitomboana ny volanao

Tsy fitahirizana fotsiny ihany ny kaonty ato amin’ny PAMF fa mampitombo ny volanao ihany koa. Zana-bola hatramin’ny 7,5% be izao no atolotray eny amin’ny masoivoho, izay anisan’ny zana-bola tsara indrindra. Na kaonty tahiry tsotra na tahiry mandritry ny fotoana voafetra no safidianao, dia mitombo hatrany ny volanao. Mandroso kokoa makany amin’ny tanjonao sy ny nofinofinao rehefa mazoto mitahiry vola.

3. Fitahirizana tsotra sy mifanaraka amin’ny filanao

Tsotra ny dingana arahana raha te hitahiry vola eny amin’ny masoivohonay. Vonona hatrany ireo ekipanay hanampy anao hisafidy ny kaonty fitahirizam-bola mifanaraka amin’ny fidiram-bolanao sy ny tanjonao.

Ho anao tanora, ray aman-dreny, mpandraharaha, na orinasa te hisitraka fitahirizam-bola azo antoka, manatona ny masoivohonay. Manana tolotra mifanaraka amin’ny tetikasanao izahay ary vonona handray anao.

Ahoana no atao raha te hanokatra kaonty fitahirizam-bola ?

Tsotra be :
👉 Sokafy mivantana eto amin’ny tranokalanay
NA
👉 Manatona ny masoivoho PAMF akaiky anao

La transformation numérique est en train de redéfinir notre rapport à la microfinance. Aujourd’hui, les solutions digitales permettent d’accéder plus facilement aux services financiers, d’épargner à son rythme et d’obtenir un prêt digital en quelques minutes. Cette évolution offre un véritable gain de temps, mais surtout une nouvelle forme de proximité avec les institutions financières. À la PAMF, nous avons choisi d’en faire une priorité : mettre le digital au cœur de l’expérience client, tout en conservant l’accompagnement et la confiance qui nous caractérisent.

m-kajy : épargner et emprunter depuis son téléphone

Parmi les avancées majeures, notre service « m-kajy » est devenu une solution incontournable pour tous ceux qui souhaitent gérer leur argent sans contraintes. Ce service 100% numérique, développé en partenariat avec Orange Money, permet d’épargner et d’emprunter directement depuis son mobile. Disponible 24h/7j, sans frontières géographiques, m-kajy offre une liberté totale pour gérer son budget où que l’on soit.

Par ailleurs, l’épargne digitale n’a jamais été aussi simple grâce à deux offres adaptées aux besoins de chacun :
• Tahiry Be, notre épargne bloquée accessible via « m-kajy », permet de sécuriser son argent tout en bénéficiant d’un taux d’intérêt très attractif allant jusqu’à 7% net.
• Tahiry, plus flexible, offre une épargne illimitée avec un taux d’intérêt de 4,5% net par an, idéale pour mettre de côté progressivement.

Notre dernière nouveauté « l’épargne automatique » vient renforcer cette dynamique. Cette fonctionnalité permet de programmer un montant et une fréquence d’épargne via Orange Money. Une fois paramétrée, l’épargne se fait toute seule, de façon régulière, sans effort et en toute sécurité. C’est une solution idéale pour atteindre ses objectifs sans y penser chaque jour.

Ainsi, grâce à ces innovations, « m-kajy » place l’épargne digitale et le prêt digital à portée de tous, tout en renforçant l’inclusion financière.

Un écosystème digital complet avec net-tsara et AI-na

La proximité digitale ne s’arrête pas à « m-kajy ». La PAMF propose également des outils simples et accessibles pour permettre à chacun de gérer son compte sans se déplacer : l’application mobile « Net-tsara » et le « Chatbot banking AI-na ».

Grâce à ces deux canaux, les utilisateurs peuvent consulter leur solde en temps réel, effectuer des virements compte à compte et simuler un prêt ou une épargne en quelques secondes, ce qui facilite considérablement leur gestion financière au quotidien.

Notre chatbot AI-na, disponible sur Messenger et WhatsApp, offre un accompagnement plus personnalisé. En effet, en plus des fonctionnalités énumérées précédemment, il permet de discuter instantanément avec un agent, de poser des questions, de demander de l’aide ou encore d’obtenir des informations. Une assistance continue qui renforce encore plus la proximité entre la PAMF et ses clients.

Le digital, un levier d’inclusion et de confiance

L’essor de la finance digitale ouvre aujourd’hui une nouvelle ère pour la microfinance. En combinant « m-kajy, « Net-tsara » et « AI-na », la PAMF propose des solutions simples, accessibles et adaptées au quotidien. Le digital rapproche la microfinance de ses utilisateurs, réduit les distances et permet à chacun de gérer son argent avec plus d’autonomie, de flexibilité et de confiance.

Explorez ici nos solutions digitales et financières !